ພະອັນຊັງໂຮງຊົງເປັນພະເຈົ້າ ຄືພະຄິດທີ່ຊົງສະເດັດມາເທື່ອທີສອງ 1

[ຜູ້ທີ່ໃຫ້ໝາກຂອງຕົ້ນໄມ້ແຫ່ງຊີວິດ (ເທດສະການປັດສະຄາ) ໃນສວນເອເດນແມ່ນພະເຈົ້າ.]

ໝາກຂອງຕົ້ນທີ່ໃຫ້ຮູ້ຈັກດີແລະຮູ້ຈັກຊົ່ວ ແລະ ໝາກຂອງຕົ້ນໄມ້ແຫ່ງຊີວິດໃນສວນເອເດນເປັນຄໍາອຸບປະມາ
ແລະ ເປັນເງົາທີ່ພະເຈົ້າໄດ້ຊົງສ້າງຂຶ້ນ ເພື່ອສັ່ງສອນມະນຸດຊາດໃຫ້ເຂົ້າໃຈກ່ຽວກັບອານາຈັກສະຫວັນ.

ພະເຈົ້າເທົ່ານັ້ນ ທີ່ສາມາດເປີດທາງສູ່ຕົ້ນໄມ້ແຫ່ງຊີວິດໃນສວນເອເດນ ເຊິ່ງໃຫ້ຊີວິດນິລັນແກ່ພວກເຮົາ. ເພື່ອໃຫ້ຊີວິດນິລັນແກ່ພວກເຮົາ ພະເຢຊູໄດ້ຊົງປະທານປັດສະຄາແຫ່ງຄໍາໝັ້ນສັນຍາໃໝ່ ເມື່ອ 2,000 ປີກ່ອນ.
ແລະ ໃນສະໄໝນີ້, ພະອັນຊັງໂຮງ ໄດ້ຊົງປະທານປັດສະຄາແຫ່ງຄໍາໝັ້ນສັນຍາໃໝ່ແກ່ພວກເຮົາ.
ດັ່ງນັ້ນ, ພະອັນຊັງໂຮງຊົງເປັນພະເຈົ້າ.

[ເປັນຫຍັງຄິດສະຕະຈັກຂອງພະເຈົ້າຈຶ່ງເຊື່ອວ່າ ພະອັນຊັງໂຮງຊົງເປັນພະເຈົ້າ?]

ພະຄິດທີ່ແທ້ຈິງຕ້ອງມາປາກົດຕາມຄໍາທໍານວາຍຂອງພະຄໍາພີ ແລະ ຜູ້ປະກາດພະຄໍາ.
ດັ່ງທີ່ຜູ້ເຊື່ອຖືໃນຄິດສະຕະຈັກຕອນຕົ້ນໄດ້ປະກາດວ່າ: ພະເຢຊູ ຄືພະຄິດ ໃນທຸກບ່ອນທີ່ພວກເຂົາໄປ
ພວກເຮົາຜູ້ທີ່ອາໄສຢູ່ໃນສະໄໝນີ້ ຕ້ອງເປັນພິຍານເຖິງ ພະບິດາອັນຊັງໂຮງ
ຜູ້ທີ່ໄດ້ນໍາເທດສະການປັດສະຄາແຫ່ງຄໍາໝັ້ນສັນຍາໃໝ່ມາ ແມ່ນພະຄິດທີ່ຊົງສະເດັດມາເທື່ອທີສອງ.

“ຜູ້ທີ່ກິນເນື້ອກາຍຂອງເຮົາ ແລະ ດື່ມເລືອດຂອງເຮົາກໍມີຊີວິດອັນຕະຫຼອດໄປເປັນນິດ.
ແລະ ເຮົາຈະໃຫ້ເຂົາເປັນຄືນມາສູ່ຊີວິດໃນມື້ສຸດທ້າຍ. ດ້ວຍວ່າ ເນື້ອກາຍຂອງເຮົາ ເປັນອາຫານອັນແທ້;
ແລະ ເລືອດຂອງເຮົາ ກໍເປັນເຄື່ອງດື່ມອັນແທ້...ຜູ້ທີ່ກິນເຮົາ ກໍມີຊີວິດຢູ່ຍ້ອນເຮົາ.”
[ໂຢຮັນ 6:54-57]

“ເມື່ອເຖິງໂມງແລ້ວ ພະເຢຊູກໍນັ່ງປະຈໍາທີ່ຂອງພະອົງ ຮ່ວມກັບພວກອັກຄະທູດ. ພະອົງກ່າວແກ່ພວກເຂົາວ່າ ‘ດົນນານແລ້ວທີ່ເຮົາປາຖະໜາຢ່າງແຮງກ້າ ທີ່ຈະກິນອາຫານປັດສະຄານີ້ກັບພວກທ່ານ ກ່ອນເຮົາຈະທົນທຸກທໍລະມານ!’”
[ລູກາ 22:14-15]