U Kpa Ahnsahnghong u Long U Blei, U Khrist Uba La Wan ha Kaba Arsien 1

Uta Uba Ai ia Ngi ia U Dieng ka Jingim (ka Niam ka Jinglait) Na ka Kper Eden Dei U Blei

U Dieng ka Jingtip ia Kaba Bha bad ia Kaba Sniew bad U Dieng ka Jingim, kiba U Blei u la buh ha ka Kper Eden, ka dei ka pharshi bad ka syrngiew kaba U Blei u la thaw ban hikai ia u bynriew shaphang ka Hima ki Bneng.

Tang U Blei u lah ban plie ia ka lynti sha U Dieng ka Jingim na ka Kper Eden kaba ai ia ngi ka jingim bymjukut. Ban ai ia ngi ka jingim bymjukut, U Jisu u la ai ia ngi ia ka Niam ka Jinglait jong ka Jutang Bathymmai 2,000 snem mynshuwa, bad U Khrist Ahnsahnghong u la ai ia ngi ia ka Niam ka Jinglait jong ka Jutang Bathymmai ha kane ka juk. Namarkata, U Khrist Ahnsahnghong u long U Blei.

Balei Ka Balang U Blei ka Ngeit ba U Ahnsahnghong u long U Blei?

U Khrist bashisha u mihpaw shisha katba kum ki jingphla jong ka Baibl bad ki nongiathuhlypa. Kumba ki riewkhuid jong ka Balang bamynshuwa ki la ialap ba U Jisu u long U Khrist kat shaba ki leit, ngi dei ban ialap ba U Kpa Ahnsahnghong uba la wallam ia ka Niam ka Jinglait jong ka Jutang Bathymmai ha kane ka juk u dei U Khrist uba la wan ha kaba arsien.

“ ‘Uno uno ruh uba bam ia ka doh jong nga bad ba dih ia ka snam jong nga, u don ka jingim bymjukut: bad nga ngan pynmihpat ia u ha ka sngi kaba khadduh. Naba ka doh jong nga ka long da shisha ka jingbam, bad ka snam jong nga ka long da shisha ka jingdih . . . kumta uta uba bam ia nga, un ioh im kein da nga.’ ”
Ioannis 6:54‒57

“Ynda kata ka por te ka la jia, u la shong shaniah, bad kita ki apostol lem bad u. U la ong te ha ki, ‘Nga la kwah shikaddei eh ban bam ia kane ka niam ka jinglait lem bad phi, katba ngam pat shah . . .’ ”
Loukas 22:14‒15