Kristus Ahnsahnghong Ngu E Ya Olutiyali

Uumbangi Kutya Kristus Ahnsahnghong Oye David gwOpambepo, Kristus Ngu a Holoka
Olutiyali a Hunganekwa mOmbiibeli

Sho Omuyapostoli Johannes a mono onkalo ombwinayi mundjoka aantu ayehe taa ka ya koheli, okwa lili. Ihe, gumwe gwomaakuluntu okwa ti kuye, “Monakuyiwa, Omuvalwa gwomuDavid ota ka patulula Ombiibeli ndjoka ya kala ya patwa e ta hupitha aantu.” Ngoka a li a shashwa pomimvo 30, pakukalamwenyo kwaDavid, a gwanitha omimvo 37 dha hupa ko, a holola ehangano epe niiholekwa yOmbiibeli mbyoka ya kala ya patwa, mwa kwatelwa oshili yaMeme yetu Gwomegulu, oye Kristus Ahnsahnghong.

Ompangela yaKalunga Oya Shike ya Hololwa mEgongalo lyaKalunga, Moka Iigwana Ayihe Tayi Matukile?

Oshoka iiholekwa yOmbiibeli otayi vulu ashike okupatululwa kuDavid, aantu oye na okutsakaneka David. Kristus Ahnsahnghong okwe ya onga David, a longo aantu kombinga yOshilongo shaaluhe shegulu, peha lyiinima yokukalamwenyo kwopakathimbo. Noshikwawo, okwa longo okukala ko kwaMeme Kalunga, Eva gwopambepo, ngoka a kala a holekwa meni lyompangela yaKalunga. Onkee ano, iigwana ayihe otayi matukile kEgongalo lyaKalunga moka Meme Kalunga ha kala.

Ongame nonda lili noonkondo, oshoka inaku monika nando ogumwe ngoka a gwana okupatulula embo ndika nokutala mo. Nena gumwe gwomaakuluntu okwa lombwele ndje ta ti: “Ino lila! Tala, Onime yomezimo lyaJuda, omuvalwa gwomuDavid, okwa sindana nokwa gwana okupatulula iipatitho mbika iheyali nokupandja embo ndika.”
Ehololo 5:4~5

Aantu ayehe oye na okusa lumwe aluke, e taku ya ihe epangulo lyaKalunga. Pamukalo nguka Kristus okwa gandjwa wo, a ninge eyambo lumwe aluke, opo a kuthe po oondjo dhaantu. Oye ota ka holoka olutiyali, hakukutha po oondjo, ihe okuhupitha mboka ye mu tegelela.
Aahebeli 9:27~28