ພະຄິດອັນຊັງໂຮງ ຜູ້ຊົງສະເດັດມາເທື່ອທີສອງ

[ຫຼັກຖານທີ່ວ່າ ພະອັນຊັງໂຮງ ແມ່ນດາວິດຝ່າຍຈິດວິນຍານ ແລະ
ພະຄິດຜູ້ຊົງສະເດັດມາເທື່ອທີສອງ ທີ່ໄດ້ຖືກທໍານວາຍໄວ້ໃນພະຄໍາພີ]

ເມື່ອອັກຄະທູດໂຢຮັນໄດ້​ເຫັນ​ສະ​ຖາ​ນະ​ການ​ທີ່​ໂຊກຮ້າຍ ​ເຊິ່ງ​ມະ​ນຸດ​ທຸກ​ຄົນ​ຈະ​ຕົກ​ນະຮົກ, ເພິ່ນ​ກໍ​ໄດ້​ຮ້ອງ​ໄຫ້.
​ຢ່າງ​ໃດ​ກໍ​ຕາມ, ຜູ້​ອະວຸໂສທ່ານ​ໜຶ່ງ​ໄດ້​ເວົ້າ​ກັບ​ລາວ​ວ່າ “ໃນ​ອະ​ນາ​ຄົດ, ຮາກເຄົ້າ​ຂອງ​ດາວິດ​ຈະ​ເປີດ​ພະ​ຄຳ​ພີ
ທີ່​ໄດ້​ປະທັບຕາໄວ້ ແລະ ​ຊ່ວຍມະນຸດ​ໃຫ້​ພົ້ນ.” ພະຄິດອັນຊັງໂຮງ ໄດ້ຊົງຮັບບັບຕິດສະມາຕອນອາຍຸ 30 ປີ ຕາມຊີວິດຂອງດາວິດ, ສໍາເລັດ 37 ປີທີ່ຍັງເຫຼືອ, ເປີດເຜີຍຄໍາໝັ້ນສັນຍາໃໝ່ ແລະ ຄວາມລັບຂອງພະຄໍາພີ
ທີ່ໄດ້ຖືກປະທັບຕາໄວ້ ລວມທັງຄວາມຈິງກ່ຽວກັບ ພະມານດາແຫ່ງສະຫວັນຂອງພວກເຮົາ.

[ແຜນການຂອງພະເຈົ້າ ທີ່ໄດ້ເປີດເຜີຍໃນຄິດສະຕະຈັກຂອງພະເຈົ້າ
ບ່ອນທີ່ທຸກຊົນຊາດຫຼັ່ງໄຫຼໄປຫາ ນັ້ນແມ່ນຫຍັງ?]

ເນື່ອງ​ຈາກ​ວ່າ ​ຄວາມ​ລັບ​ຂອງພະ​ຄຳພີ​​ສາມາດ​ເປີດ​ໄດ້ ​ໂດຍ​ດາວິດ​ເທົ່າ​ນັ້ນ, ມະນຸດຊາດ​ຈຶ່ງ​ຕ້ອງ​ພົບ​ດາວິດ. ພະຄິດອັນຊັງໂຮງ ຜູ້ຊົງສະເດັດມາເປັນດາວິດ ໄດ້ຊົງສອນມະນຸດຊາດ ກ່ຽວກັບອານາຈັກສະຫວັນທີ່ນິລັນ
ແທນທີ່ຈະເປັນເລື່ອງຂອງຊີວິດຊົ່ວຄາວນີ້. ນອກຈາກນີ້, ພະອົງຍັງຊົງສັ່ງສອນເຖິງ ການດໍາລົງຢູ່ຂອງພະເຈົ້າພະມານດາ ຜູ້ຊົງເປັນເອວາຝ່າຍຈິດວິນຍານ ທີ່ໄດ້ຖືກເຊື່ອງຊ້ອນໄວ້ ໃນແຜນການຂອງພະເຈົ້າ. ສະນັ້ນ, ທຸກ​ຊົນຊາດ​ຈຶ່ງ​ພາກັນ​ຫຼັ່ງໄຫຼ​ໄປສູ່ຄິດສະຕະຈັກຂອງພະເຈົ້າ ບ່ອນ​ທີ່​ພະເຈົ້າພະມານດາຊົງປະທັບ​ຢູ່.

ຂ້າພະເຈົ້າຮ້ອງໄຫ້ຢ່າງຂົມຂື່ນ ເພາະບໍ່ມີໃຜສົມຄວນມາຍໜັງສືມ້ວນນັ້ນອອກເບິ່ງໄດ້.
ແລ້ວກໍມີທ່ານໜຶ່ງໃນພວກອາວຸໂສນັ້ນບອກຂ້າພະເຈົ້າວ່າ “ຢ່າຮ້ອງໄຫ້ເລີຍ. ເບິ່ງແມ!
ສິງຈາກເຜົ່າຢູດາ ໜໍ່ແໜງແຫ່ງເຊື້ອສາຍຂອງດາວິດເປັນຜູ້ມີໄຊຊະນະແລ້ວ
ເພິ່ນແກະຕາປະທັບທັງເຈັດ ແລະ ມາຍໜັງສືມ້ວນນັ້ນໄດ້.”
[ພະນິມິດ 5:4-5]

ທຸກໆຄົນຕ້ອງຕາຍເທື່ອດຽວ ແລະ ຫຼັງຈາກນັ້ນ ເຂົາຈະຖືກພິພາກສາໂດຍພະເຈົ້າ.
ໃນທໍານອງດຽວກັນນັ້ນແຫຼະ ພະຄິດໄດ້ຖວາຍພະອົງເອງເປັນເຄື່ອງບູຊາເທື່ອດຽວ
ເພື່ອຍົກການບາບຂອງຄົນຈໍານວນຫຼວງຫຼາຍ. ພະອົງຈະມາປະກົດເທື່ອທີສອງ
ບໍ່ແມ່ນເພື່ອຈັດການກັບບາບ ແຕ່ເພື່ອໂຜດຊ່ວຍເອົາບັນດາຜູ້ທີ່ຄອງຄອຍຖ້າພະອົງໃຫ້ພົ້ນ.
[ເຮັບເລີ 9:27-28]