Apha Ahnsahnghong Wng Kha Kaitor, Uáinwi-o Phainai Khristo II

“Khristo Ahnsahnghong Wng Kha Borok. Hakhe Bό Bahai Khe Kaitor Wngwi Mannai?” O Sẃngmungno Tẃi.

Khristo Ahnsahnghong wng kha Kaitor tamni hwnmanile páithakni salo phainai Daudni Bosong wng kha Khristo Ahnsahnghong simi se tei sil bújak Baibelno phiyόgwi molbrúmni swmaino songcha phinai.
Jisuni mung bai puila phainai tei Anhsahnghongni mungwi tei-uáisa phainai Khristo bisi 30 umoro baptisma wng kha tei phola-o chongjak kha. Bό kothoma kahamni hano Bό puila phai phuru bisiktham tei Bό tei-uáisa phai phuru 37 bisi khlai lang kha tei Habugra Daudni achuktháiyungni kόk diyari sasokjakmano phnang lang kha.

Daudni Mari, Molbrúmni Swmaino Sabo Phaiui Sakhlai Phai Kha? Omo Buphuru Wng Kha?

Jisu phrwngmani Kwichang Buphangni rwngthomani mote, Israilrok sadinota manmani bisi, 1948 bisi-o, Khristo Ahnsanghong duglamo bacha phai kha, Kaitorni Motha songchaui, Swmai Kwtalni Yόkma Terni bising tẃi mwthangjakmungni hamrino chwngno rw phai kha, tei Ama Kaitorno tẃi sakki rw phai kha.

A bijapno phiyogwi nainai abo tẃi chúknai borok khoroksa phano kwrwini bai ang swlwgwi kap kha. 5Hakhe okrarokni bere khoroksa ano hai hwnwi sa kha, “Ta kap di! Naisik di! Juda bosongni Singho, Daud bosongni a borok kotor bo kwplai wng kha, hakhe bo a sil kaisnino swkagwi a bijapno phiyogwi mano.”
Phunukjakmani 5:4-5

Aboni yagulo Israilsarok bwkha kiphilwi bórokni Subraiyung Kaitorno tei bórokni habugra Daudno naituknai; bórok kirima gwnang khe Subraiyungni thani phaiwi hamari yachaknai.
Hosea 3:5