ခရစ်တော်အန်ဆန်ဟုန်းသည် ဒုတိယအကြိမ်ကြွလာသော ဘုရားသခင်ဖြစ်ပါသည်(၂)

["ခရစ်တော်အန်ဆန်ဟုန်းက လူသားတစ်ဦးဖြစ်တယ်။ ဒါကြောင့် ဘယ်လိုလုပ် ဘုရားဖြစ်နိုင်မှာလဲ"ဟူသော မေးခွန်းနှင့် ပတ်သက်၍]

ခရစ်တော်အန်ဆန်ဟုန်းကပဲ နောက်ဆုံးသောကာလမှာ ကြွလာခဲ့တဲ့ ဒါဝိဒ်ရဲ့အမြစ်ဖြစ်ပြီး၊ တံဆိပ်ခတ်ထားတဲ့ ကျမ်းစာကို ဖွင့်ပေးခြင်းအားဖြင့် ထာဝရပဋိညာဉ်ကို ပြန်တည်ထောင်ပေးတဲ့သူဖြစ်တဲ့အတွက်၊ သူဟာ ဘုရားသခင်ဖြစ်တယ်။
ပထမအကြိမ်မှာ ယေရှုခရစ်နာမ၊ ဒုတိယအကြိမ်မှာ အန်ဆန်ဟုန်းနာမနဲ့ ကြွလာခဲ့တဲ့ ခရစ်တော်ဟာ အသက်(၃၀)အရွယ်မှာ ဗတ္တိဇံခံပြီး ဝိညာဏဆိုင်ရာ ဆီလောင်းခြင်းကို ခံယူခဲ့ပါတယ်။ သူဟာ ပထမအကြိမ်ကြွလာတုန်းက ဧဝံဂေလိနယ်ပယ်ကို သုံးနှစ်ဦးဆောင်ခဲ့ပြီး၊ ဒုတိယအကြိမ်မှာ (၃၇)နှစ် ဦးဆောင်ခဲ့ပြီးတော့၊ ဒါဝိဒ်ရဲ့ ရာဇပလ္လင်ကြိုတင်ဟောစကားကို အောင်မြင်ခဲ့ပါတယ်။

မည်သူက ပေါ်ထွန်းလာပြီး၊ ဒါဝိဒ်၏အမြစ်၏လက္ခဏာသက်သေဖြစ်သော ထာဝရပဋိညာဉ်ကို ကြွေးကြော်ခဲ့ပါသနည်း။
ဤအရာ မည်သည့်အချိန်တွင် ဖြစ်ပျက်ခဲ့ပါသနည်း။

ယေရှုခရစ်သင်ပေးခဲ့တဲ့ သင်္ဘောသဖန်းပင် ဥပမာအရ၊ ဣသရေလနိုင်ငံ လွတ်လပ်ရေးပြန်ရတဲ့နှစ်ဖြစ်တဲ့ (၁၉၄၈)ခုနှစ်မှာ ခရစ်တော်အန်ဆန်ဟုန်းဟာ တံခါးဝမှာရပ်နေပြီး၊ ပဋိညာဉ်တရားသစ် ပသခါပွဲအားဖြင့် ကျွန်တော်တို့ဆီ ကယ်တင်ခြင်းကောင်းချီးမင်္ဂလာကို ခွင့်ပြုပေးပြီးတော့၊ ဘုရားသခင်၏အသင်းတော်ကို တည်ထောင်ပြီး၊ အမေဘုရားသခင်အကြောင်းကို သက်သေပြုခဲ့ပါတယ်။

ထိုစာစောင်ကိုဖွင့်၍ ကြည့်ထိုက်သောသူ တစ်ယောက်ကိုမျှ ရှာ၍မတွေ့သောကြောင့်၊ ငါသည် များစွာငိုကြွေးလေ၏။ ထိုအခါအသက်ကြီးသောသူတစ်ပါးက၊ မငိုကြွေးနှင့်၊ ယုဒအမျိုး ခြင်္သေ့တည်းဟူသော ဒါဝိဒ်၏အမြစ်သည် ထိုစာစောင်ကိုလည်းကောင်း၊ တံဆိပ် ခုနစ်ချက်တို့ကိုလည်းကောင်း၊ ဖွင့်ခြင်းငှာ အောင်မြင်လေပြီဟု ငါ့ကိုပြောဆို၏။
ဗျာဒိတ်ကျမ်း ၅:၄-၅

ထိုနောက်မှ ဣသရေလအမျိုးသားတို့သည် ပြန်လာ၍၊ သူတို့ဘုရားသခင် ထာဝရဘုရားကိုလည်းကောင်း၊ သူတို့ရှင်ဘုရင် ဒါဝိဒ်ကိုလည်းကောင်းရှာ၍၊ နောင်ကာလ၌ ကျေးဇူးတော်ကိုခံအံ့သောငှာ၊ ထာဝရဘုရားထံတော်သို့ တုန်လှုပ်လျက်ပြေးကြလိမ့်မည်။
ဟောရှေအနာဂတ္တိကျမ်း ၃:၅