Yókma Ter tei Kaitorni Núkhung

Yókma Ter—Kaitorni Núkhungni Bororok Simi
Tẃiwi Manmani Thwi Phlai Ya Langmani Kubui

Chuknohani suarirok chuknoha-o Soitan bai phemlokjak
mani bagwi sumsok khlaiwi o ha-o rwkhlai rohor jak
kha hwnwi Baibel saki rw-o—omo wng kha bororkni kókthma.
Khristo Ahnsahnghong bai Ama Kaitor o ha-o phai kha
tei swmai kwtalni Yókma Terno songcha kha
bororok pholani nogo, chuknoha-o kiphil manna tẃi
khe sumsokni nakarjakmungno rw nani bagwi.

Kaitor Tamni Bagwi O Hani Mwnairok Wng Kha
Chuknohani Sampli Se tei Swrwngma Se Hwnwi Sa Kha?

O hani núkhungni bororok thẃi bai kwrwngma haino,
chuknohani núkhungni bororokbo thwini bising tẃino kwrwng lai-o.
Apha Kaitor tei Ama Kaitorni bwsarok wngwi
chuknohani núkhungni borok wng nani bagwi,
Kaitorni bwsak tei thẃino manma klai mani,
Yókma Terni auang tei angur bwtwino chánani tei nung nani nango.
Tini, Kaitorni Mothani adongrok 175 hakotor rogo
uansukmung thansa khe Yókma Terno tẃi lai-o.

Bórok samung khlaimani abo wng kha chuknohanino srwngma se, aboni sampili se.
Hibru 8:5

Auang bángla Ter bisingo’-no dopha yókmano muitu
khlaiwi mera bwsa ratharna sal sók phai kha. . . .
Aphuru bo ruti naui Kaitorno hambai rw kha,
hakhe abono swkagwi hai hwnwi saui bórokno rw kha,
“Omo ani bahan, . . .  “O khuri wng kha
Kaitor ani thẃi bai swmai kwtal tangmani,
omo norokni bagwi kochok rwjakmani ani thẃi.]
Luk 22:7-20

Abo baino norok buini bororok norok tei phatarsabo wng li ya,
sinijak yabo wng li ya; norok tabuk Kaitorni bororok bai sak baksa wng kha. . . .
Epis 2:19