Ka Longïing Bahabneng & Ka Kmie Bahabneng

U Blei U La Thaw ia Kiei Kiei Baroh da ka Mon jong U. Kaei ka Mon U Blei ha ka Jinghiar Pateng jong ka Jingim?

Ka daw ba U Blei u la thaw ia ki kynja baim baroh ha kane ka khyndew ban ioh ka jingim na ka kmie ka long ban pyntip ia ngi ba ka jingim bymjukut la ai tang na Ka Kmie bakynja mynsiem jong ngi.
Ka daw ba U Blei u la hikai ia ngi ban khot ia U “U Kpa,” bad ba la khot ia ngi ki khun shynrang bad ki khun kynthei jong U ka dei ban pynpaw ia Ka Blei Ka Kmie lyngba ka kyrteng jong manla u dkhot jong ka їing ka sem.

Ki Dkhot jong ka Balang U Blei ki Don ka “Jingthmu ia ka Hima ki Bneng,” kata ka long, ban Bud ia ki Jinghikai U Blei

Ki briew ki pyrkhat ba ka long kaba kongsan ban pynkhreh lypa na ka bynta ka jingshongthait kam katba ki im ka jingim balyngkot ha kane ka pyrthei, hynrei ha kaba shisha, ka kham kor ban buh jingthmu bad pynkhreh na ka bynta ka pyrthei ki angel ha kaba ngin im ka jingim bymjukut.
Kita kiba kyrmen shisha ia ka hima ki bneng ki pdiang ia U Kpa U Khrist Ahnsahnghong bad Ka Blei Ka Kmie kiba la wan kum Ki Nongpynim ha ka їa jong U Mynsiem Bakhuid. Ki rakhe ruh ia ka sngi Sabbaton bad ka Niam ka Jinglait jong ka jutang bathymmai kum ki dkhot jong ka longїing ba ha bneng.

“Me long uba dei, Ah Trai bad U Blei jong ngi, ban pdiang ia kata ka burom bad ia kata ka jingpyndon burom bad ia kata ka bor, naba me la thaw ma me ia kiei kiei baroh, bad namar kata ka mon jong me ki ialong, bad la thaw ia ki.”
Ka Jingpynpaw 4:11