Ka Kmie Jerusalem Bahabneng

Kumno Ngin Long “Ki Khun ka Jingkular” Kiba La Ioh ka Jingim Bymjukut Na U Blei?

Ka daw ba ki ñiangkynthah-um ki im tang shisngi, ki ksew 15 snem, bad ki briew 100 snem ka long namar ki ioh pateng ia kata ka jingkhein ki sngi na ka kmie jong ki. U bynriew baroh u lah ban long “ki khun ka jingkular” kiba ioh ka jingim bymjukut na U Blei tang haba ngi iakynduh ia Ka Blei Ka Kmie kaba don ka jingim bymjukut.

Balei ka Balang U Blei ka ngeit ia U Khrist Ahnsahnghong bad Ka Blei Ka Kmie?

Ka Baibl ka hikai ia ngi shaphang ka longїing bahabneng lyngba ka rukom jong ka longїing ba ha khyndew kaba long ka syrngiew, bad shaphang U Kpa bad Ka Kmie Bahabneng lyngba U Adam bad Ka Im bad U Khun langbrot bad Ka Tnga jong U (Ka Nongleit kurim). Ka Baibl ka hikai ruh ba tang Ka Blei Ka Kmie, ia kaba la pynsyriem ia ka Jerusalem, ka don ka jingim bymjukut.

Te kane ka long kata ka jingkular ia kaba u la kular ha ngi, ka jingim bymjukut kein.
1 U Ioannis 2:25

Te u la rah noh ia nga ha U Mynsiem shalor u lum bakhraw bad bajrong, bad u la kdew ha nga ia kata ka nongbah kaba khuid, ka Jerusalem kein, ba ka wan hiar na bneng na U Blei.
Ka Jingpynpaw 21:10

Hynrei kata ka Jerusalem kaba haneng ka long kaba laitluid, kaba long ka kmie jong ngi kein . . . Mynta ngi ruh, ko para bangeit, kumba la long U Isaak, ngi long ki khun ka jingkular.
Sha Ki Galatia 4:26–28