Толгойны алчуур

Бүтээгч Бурхан 2000 жилийн өмнө Есүсийн нэрээр энэ дэлхийд ирж, шинэ гэрээ байгуулсан.
Нүгэл, үхэлдээ зовж байгаа хүүхдүүддээ нүглийн уучлал, мөнх амь өгч, тэнгэрийн хаанчлал руу хөтлөхийн тулд шинэ гэрээ байгуулсан.
Есүс шавь нартаа 3 жилийн турш шинэ гэрээ сахих үлгэр дуурайл үзүүлсэн юм.

“Миний та нарт үйлдсэн лугаа адил
та нарыг үйлд хэмээн Би ийм дуурайл өгөв.”Иох 13:15

Амилсныхаа дараа Есүс авралд хөтлөх тэр шинэ гэрээг бүх хүнд зааж сахиулахыг шавь нартаа захисан байдаг. (Мат 28:19)
Есүсийн айлдсан ёсоор шавь нар шинэ гэрээ тунхаглаж байв.
Нүглийг уучилж, тэнгэрийн хаанчлал руу хөтөлдөг шинэ гэрээнд мөргөлийн зарлиг бий.
Мөргөл тэмдэглэхдээ толгойдоо өмсгөлтэй эр хүн бүр Бурханыг гутааж байгаа хэрэг. Мөргөл тэмдэглэхдээ толгойгоо бүтээгээгүй эм хүн бүр толгойгоо гутааж байгаа хэрэг юм. (1Кор 11:4-5)
Христийн байгуулсан шинэ гэрээг дагадаг сүмд мөргөлийн үеэр эмэгтэй хүн толгойны алчуур зүүж, эрэгтэй хүн зүүдэггүй.
Тэгтэл Есүсийг тэнгэрт одсоноос хойш зарим эмэгтэйчүүд толгойны алчуур зүүх шаардлагагүй гэж зүтгэжээ.
Тэгээд элч Паул урт үс эмэгтэй хүнд үзэсгэлэнтэй харагддаг гэх хүмүүний төрөлх чанарыг тайлбарлангаа толгойны алчуур зүүх ёстойг уриалсан аж.

“Эм хүн толгойгоо бүтээлгүй Бурханд залбирах нь зохистой юу? Өөрсдөө шүүцгээ.
Хэрэв эр хүн урт үстэй байвал энэ нь түүнийг гутаадаг гэдгийг төрөлх байдал өөрөө та нарт сургадаг бус уу?
Эм хүн урт үстэй бол энэ нь түүнд алдар бус уу? Учир нь үс нь түүнд өмсгөл болон өгөгджээ.
Хэн нэг нь маргаантай байхыг боддог бол тийм ёс бидэнд ч, Бурханы чуулгануудад ч үгүй билээ.”1Коринт 11:13-16

Библид эмэгтэй хүн мөргөлийн үеэр толгойны алчуур зүүх ёстойг тодорхой мэдүүлсэн юм.
Мөргөлийн үеэр эмэгтэй итгэгч толгойны алчуур зүүх нь Есүсийн зааж, элч Паулын тунхагласан шинэ гэрээний мөргөлийн зарлиг төдийгүй үүнийг сахих нь Бурханы хүсэл билээ.