Ang Unang Pagdating na si Jesus at ang Ikalawang Pagdating na Cristo na si Ahnsahnghong

Ang mga Dahilan Kung Bakit Hindi Tinanggap ng mga Tao ang Unang Pagdating na si Jesus
at Hindi Tinatanggap ang Ikalawang Pagdating na si Ahnsahnghong

Dumating ang Diyos sa lupang ito para ipakita sa sangkatauhan ang daang patungo sa langit at ang daang patungo sa kapatawaran ng mga kasalanan. Gayunman, ang karamihan sa mga tao ay hindi nakakilala kay Jesus na dumating sa laman kundi sa halip ay inusig nila Siya, tinatawag Siya na isang erehe, sinasabing, “Paanong ang isang tao ay nag-aangkin na Diyos?” at sa huli, ipinako nila Siya sa krus. Gayundin, ngayon, hindi sila naniniwala kay Cristo Ahnsahnghong, na muling dumating para sa kaligtasan ng sangkatauhan.

Ang Pananampalataya Para Matanggap ang Diyos na Dumating sa Lupa sa Laman

Para hindi maging tulad ng mga nagpako kay Jesus sa krus at tumalikod sa kaligtasan 2,000 taong nakalilipas, dapat nating ipagdiwang ang mga kapistahan ng bagong tipan sa Zion, ang bahay ng Diyos na ipinangakong darating sa mga huling araw, at tanggapin ang Diyos Ahnsahnghong at ang Diyos ang Ina na pumarito sa lupa sa laman.

“Ako at ang Ama ay iisa.” Muling dumampot ng mga bato ang mga Judio upang siya’y batuhin … Sumagot sa kanya ang mga Judio, “Hindi dahil sa mabuting gawa ka namin babatuhin, kundi dahil sa paglapastangan. Sapagkat ikaw, na isang tao, ay nag-aangkin na Diyos.”
John 10:30–33

ay gayundin naman si Cristo, na inihandog na minsan upang dalhin ang mga kasalanan ng marami, ay magpapakita sa ikalawang pagkakataon, hindi upang harapin ang kasalanan, kundi upang iligtas ang mga sabik na naghihintay sa kanya.
Hebrews 9:28