ပထမအကြိမ်ကြွလာသော ယေရှုခရစ်နှင့် ဒုတိယအကြိမ်ကြွလာသော ခရစ်တော်အန်ဆန်ဟုန်း

ပထမအကြိမ်ကြွလာသော ယေရှုခရစ်ကို လက်မခံနိုင်ခဲ့သော အကြောင်းရင်းနှင့် ဒုတိယအကြိမ်ကြွလာသော ခရစ်တော်အန်ဆန်ဟုန်းကို လက်မခံနိုင်သော အကြောင်းရင်း

ဘုရားသခင်ဟာ လူသားတွေဆီ ကောင်းကင်သွားတဲ့လမ်းနဲ့ ကယ်တင်ခြင်းခံရနိုင်တဲ့ နည်းလမ်းကို ပြသဖို့အတွက် ဒီမြေကြီးကို ကြွလာတော်မူခဲ့ပါတယ်။
ဒါပေမဲ့ လူအများစုဟာ လူ့ဇာတိနဲ့ကြွလာတဲ့ ယေရှုခရစ်ကို အသိအမှတ်မပြုခဲ့ဘဲ၊ “လူဖြစ်လျက်ပင် အဘယ်သို့ ဘုရားသခင်ဖြစ်​ယောင်​ဆောင်နိုင်သနည်း”လို့ပြောပြီး သူ့ကို ညှဉ်းဆဲကာ မိစ္ဆာဒိဋ္ဌိလို့ခေါ်ဆိုခဲ့ကြပြီး နောက်ဆုံးမှာ ကားစင်တင်သတ်ခဲ့ကြပါတယ်။
ဒီလိုပါပဲ ဒီနေ့ခေတ်မှာလည်း လူသားတွေကိုကယ်တင်ဖို့ နောက်တစ်ဖန်ကြွလာတဲ့ ခရစ်တော်အန်ဆန်ဟုန်းကို မယုံကြည်ကြပါဘူး။

နှုတ်ကပတ်တော်ဖြစ်သည့် ဘုရားသခင်သည် လူ့ဇာတိကိုဝတ်ဆင်၍ ဤမြေကြီးသို့ ကြွလာသောအခါ ကြိုဆိုလက်ခံသော ယုံကြည်ခြင်း

လွန်ခဲ့တဲ့နှစ်ပေါင်း ၂,၀၀၀ က ယေရှုခရစ်ကို ကားစင်တင်ခဲ့ကြပြီး ကယ်တင်ခြင်းကနေ လွဲသွားခဲ့တဲ့ သူတွေလိုမျိုး မဖြစ်ချင်ဘူးဆိုရင်၊ နောက်ဆုံးကာလမှာ ကြွလာမယ်လို့ ကတိပြုတော်မူတဲ့ ဘုရားသခင်ရဲ့ အိမ်တော်၊ ဇိအုန်မှာ ပဋိညာဉ်တရားသစ်ကို စောင့်ရှောက်ပြီး နှုတ်​က​ပတ်​တော်​ဟာ လူ​ဇာ​တိ​အ​ဖြစ်​ကို​ခံ​ယူပြီး ကြွလာခဲ့တဲ့ ဘုရားသခင် ခရစ်တော်အန်ဆန်ဟုန်နဲ့ အမေဘုရားသခင်ကို လက်ခံကြရမှာဖြစ်ပါတယ်။

ငါ​သည် ငါ့​ခ​မည်း​တော်​နှင့် တစ်​လုံး​တစ်​ဝ​တည်း​ဖြစ်​သည်​ဟု မိန့်​တော်​မူ၏။ ထို​အ​ခါ ယု​ဒ​လူ​တို့​သည် ကိုယ်​တော်​ကို ခဲ​နှင့်​ပစ်​ခြင်း​ငှာ တစ်​ဖန် ကျောက်​ခဲ​တို့​ကို ကောက်​ယူ​ကြ၏။ ... ယု​ဒ​လူ​တို့​က၊ ကောင်း​သော​အ​မှု​ကြောင့် ခဲ​နှင့် ပစ်​မည်​မ​ဟုတ်။ သင်​သည် လူ​ဖြစ်​လျက်​ပင် ဘု​ရား​သ​ခင်​ဖြစ်​ယောင်​ဆောင်၍ ဘု​ရား​သ​ခင်​ကို လွန်​ကျူး​သော​စ​ကား​ကြောင့် ခဲ​နှင့်​ပစ်​မည်​ဟု ဆို​ကြ၏။
ရှင်ယောဟန်ခရစ်ဝင် ၁၀:၃၀-၃၃

ထို​နည်း​တူ၊ ခ​ရစ်​တော်​သည် လူ​များ​အ​ပြစ်​တို့​ကို ခံ​ခြင်း​ငှာ တစ်​ခါ​တည်း ကိုယ်​ကို​ပူ​ဇော်​ပြီး​မှ၊ နောက်​တစ်​ဖန် ထို​သ​ခင်​ကို မျှော်​လ​င့်​လျက်​နေ​သော​သူ​တို့​ကို ကယ်​တင်​ခြင်း​အ​လို​ငှာ၊ အ​ပြစ်​နှင့်​မ​ဆိုင်​ဘဲ ပေါ်​ထွန်း​တော်​မူ​လ​တ္တံ့။
ဟေဗြဲ ၉:၂၈