Ka Diengphna & ka Jingknia U Khrist

Kata Kaba Kongsan Kam Dei Ki Jingmut jong Ngi, Hynrei ka Ktien U Blei Kaba Pynim ia Ngi

Ki khun Israel ki la klet noh ia ka ktien U Blei kaba pynim ia ki haba ki shah puh da ki seiñ ding. Pynban, ki la mane ia u seiñ ding palat 800 snem, hynrei ia u seiñ rnong la pynkhein lyngkhot lyngkhai da U Hesekaiah. Kumta ruh, kata kaba kham kongsan ka dei tang ka snam bakordor U Jisu Khrist kaba lah ban pynim ia u bynriew. Namar kata, ngi dei ban sngewthuh ba lada ngi pynieng ia ka diengphna, kaba long tang ka tiar ban pynshitom, ngin sa shah pynrem.

Naduh ka Por jong ka Testament Barim haduh Mynta, U Blei U La Adong ia ka Jingmane Bleithaw

Ka diengphna, kaba la aiti pateng ha Rom naduh ka por mynbarim jong ka Babilon, la pynithuh sha ka balang kumba ha ka 431 HK, hadien ka jingkiew noh U Jisu sha bneng bad baroh ki apostol ki la iehnoh. Katkum ki jinghikai jong U Khrist Ahnsahnghong bad Ka Blei Ka Kmie, kiba ong, “Men ym mane bleithaw,” ka Balang U Blei kam pynieng bad mane ia ka diengphna lymne kaei kaei ruh ka dur.

“Men ym thaw bleithaw ia lade, lymne ia ka dur jong kaei kaei ruh kaba don ha bneng shajrong, lymne ha ka khyndew shapoh . . . men ym mane dem ia ki, lymne shakri ia ki . . .”
Eksodos 20:4–5

“Ka jingtim ia uta u briew ba thaw ia ka durblei ba la mut lane ba la saiñ, ka jingijli kein ha U Trai, ka kam jong ki kti u nongthaw stad, bad uba buh ia ka ha kaba rieh.” Bad uta u paidlang baroh kin iathuh kin ia ong ruh, “Amen.”
Deuteronomi 27:15