O le Satauro ma le Taulaga a Keriso

O le Mea Taua e lē o o tatou manatu, a o le Afioga a le Atua e faaolaina ai i tatou

Ua galo ia Isaraelu le afioga a le Atua na faasaoina ai i latou ina ua utia i latou e gata uogo.
Nai lo o lea, na latou tapuaʻi i le gata ʻapamemea mo le silia i le 800 tausaga, ae na gauia e Esekia le gata ʻapamemea.
E faapena foʻi, o le mea e sili ona āua, o le toto tāua o Iesu Keriso e na o le pau lea o le mea e mafai ona faaolaina ai tagata.
O le mea lea, e tatau ona tatou iloa fai tatou te faatuina le satauro, lea ua na o se meafaigaluega mo le faasalaga, o le a malaia i tatou.

Mai le Feagaiga Tuai e oo mai i ona po nei, ua faasāina e le Atua le ifo i tupua

O le satauro, lea na tuufaasolo atu i Roma talu mai le taimi o Papelonia anamua, na tuuina atu i totonu o le ekalesia pe tusa o le TA 431, ina ua mavae le afio aʻe o Iesu i le lagi ma o ese uma le au aposetolo.
E tusa ai ma aʻoaʻoga a Keriso Ahnsahnghong ma le Atua le Tina, o ē na fai mai, “Aua le ifo i tupua,” e le faʻatūina e le Ekalesia a le Atua ma tapuaʻi i le satauro poʻo se isi lava faatusa.

Aua e te fai mo oe se tupua ua ta, po o se faatusa lava o se mea o i le lagi i luga, po o i le fanua i lalo, . . . aua e te ifo i ai, aua foi e te auauna i ai;
Esoto 20:4–5

Ia malaia lava le tagata na te faia se tupua ua ta, po o se tupua uamea, o le mea e inosia e Ieova, ua faia i lima o le tufuga, ma tuu ai i se mea lilo. Ona tali mai ai lea o le nuu uma lava, e faapea mai, Amene.
Teuteronome 27:15