လက်ဝါးကပ်တိုင်နှင့် ခရစ်တော်၏ပေးဆပ်မှု

အရေးကြီးတဲ့အရာဟာ ကျွနု်ပ်တို့ရဲ့အတွေးမဟုတ်ဘဲ၊ ကျွန်ုပ်တို့ကိုကယ်တင်တဲ့ ဘုရားသခင်ရဲ့နှုတ်ကပတ်ဖြစ်ပါတယ်။

ဣသရေလလူမျိုးတွေဟာ မီးမြွေအကိုက်ခံရတဲ့အချိန်မှာ သူတို့ကိုကယ်တင်ပေးတဲ့
ဘုရားသခင်ရဲ့နှုတ်ကပတ်တော်ကို မေ့လျော့ခဲ့ကြပါတယ်။
အဲဒီအစား၊ သူတို့ဟာ ကြေးဝါမြွေရုပ်ကို နှစ်ပေါင်း (၈၀၀) ကျော်ကြာ ကိုးကွယ်ခဲ့ကြပေမယ့်၊
ဟေဇကိအားဖြင့် ကြေးဝါမြွေက ချိုးဖျက်ခံခဲ့ရပါတယ်။
ဒီလိုပါပဲ၊ အရေးကြီးဆုံးအချက်ကတော့၊ ယေရှုခရစ်ရဲ့ အဖိုးတန်တဲ့အသွေးတော်ဟာ
လူသားတွေကို ကယ်တင်နိုင်တဲ့ တစ်ခုတည်းသောအရာပဲ ဖြစ်ပါတယ်။
အဲဒါကြောင့်၊ ကျွန်ုပ်တို့ဟာ လူသတ်ကိရိယာပဲဖြစ်တဲ့ လက်ဝါးကပ်တိုင်ကို
တည်ထောင်မယ်ဆိုရင်၊ ကျိန်ခြင်းခံရမယ်ဆိုတာကို နားလည်ရမှာဖြစ်ပါတယ်။

ဘုရားသခင်ဟာ ဓမ္မဟောင်းခေတ်ကနေ ဒီနေ့ခေတ်အထိ ရုပ်တုဆင်းတုကိုးကွယ်ခြင်းကို တားမြစ်ထားပါတယ်။

ရှေးဗာဗုလုန်ခေတ်ကတည်းက ရောမမြို့အထိ လက်ဆင့်ကမ်းလာခဲ့တဲ့ လက်ဝါးကပ်တိုင်ကို
ယေရှုခရစ် ကောင်းကင်ကိုတက်ကြွခဲ့ပြီး တမန်တော်အားလုံး ထွက်ခွာသွားပြီးနောက်၊
အေဒီ (၄၃၁)ဝန်းကျင်မှာ အသင်းတော်ထဲကို မိတ်ဆက်ခဲ့ပါတယ်။
“ရုပ်တုကို မကိုးကွယ်နှင့်”လို့ မိန့်တော်မူတဲ့ ခရစ်တော် အန်ဆန်ဟုန်းနဲ့
အမေဘုရားသခင်ရဲ့ သင်ကြားမှုအတိုင်း၊ ဘုရားသခင်၏အသင်းတော်ဟာ
လက်ဝါးကပ်တိုင် ဒါမှမဟုတ် တခြားရုပ်တုတွေကို စိုက်ထူပြီး မကိုးကွယ်ကြပါဘူး။

အထက်မိုးကောင်းကင်၌လည်းကောင်း၊ အောက်အရပ်မြေကြီးပေါ်၌လည်းကောင်း၊ မြေကြီးအောက်ရေထဲ၌လည်းကောင်း ရှိသောအရာနှင့် ပုံသဏ္ဌာန်တူအောင်၊ ရုပ်တုဆင်းတုကို ကိုယ်အဖို့မလုပ်နှင့်။ ဦးမချဝတ်မပြုနှင့်။
ထွက်မြောက်ရာကျမ်း ၂၀:၄-၅

ထာဝရဘုရား စက်ဆုပ်ရွံရှာသောအရာ၊ လက်သမားလက်နှင့် ထုလုပ်သောရုပ်တု၊ သွန်းသောဆင်းတုကိုလုပ်၍ မထင်ရှားသောအရပ်၌ ထားသောသူသည် အမင်္ဂလာရှိစေသတည်းဟု ကျိန်လျှင်၊ လူအပေါင်းတို့က အာမင်ဟုဝန်ခံရကြမည်။
တရားဟောရာကျမ်း ၂၇:၁၅