[ສິ່ງທີ່ສໍາຄັນບໍ່ແມ່ນຄວາມຄິດຂອງພວກເຮົາ, ແຕ່ເປັນພະຄໍາຂອງພະເຈົ້າ ທີ່ຊ່ວຍພວກເຮົາໃຫ້ພົ້ນ]
ຊາວອິດສະລາເອນໄດ້ລືມພະຄຳຂອງພະເຈົ້າທີ່ຊ່ວຍຊີວິດພວກເຂົາ ເມື່ອຖືກງູພິດຕອດ.
ພວກເຂົາບູຊາງູທອງສຳລິດເປັນເວລາ 800 ກວ່າປີ, ແຕ່ງູທອງສຳລິດໄດ້ຖືກທໍາລາຍໂດຍ
ເຮເສກີຢາ. ເຊັ່ນດຽວກັນ, ເລື່ອງທີ່ສໍາຄັນທີ່ສຸດ ແມ່ນພະໂລຫິດທີ່ລໍ້າຄ່າຂອງພະເຢຊູຄິດ
ເປັນສິ່ງດຽວທີ່ສາມາດຊ່ວຍມະນຸດຊາດໃຫ້ພົ້ນໄດ້. ດັ່ງນັ້ນ, ພວກເຮົາຕ້ອງຮູ້ຈັກວ່າ
ຖ້າຕັ້ງໄມ້ກາງແຂນ ເຊິ່ງເປັນພຽງແຕ່ເຄື່ອງມືໃນການດໍາເນີນການປະຫານຊີວິດ ພວກເຮົາຈະຖືກສາບແຊ່ງ.
[ຈາກສະໄໝພັນທະສັນຍາເດີມຈົນເຖິງສະໄໝປັດຈຸບັນ ພະເຈົ້າໄດ້ຊົງຫ້າມການນັບຖືຮູບໂຄລົບ]
ໄມ້ກາງແຂນ ເຊິ່ງຖືກສົ່ງຕໍ່ໄປຍັງໂລມ ຕັ້ງແຕ່ສະໄໝບາບີໂລນບູຮານ ໄດ້ຖືກນຳເຂົ້າມາໃນ
ຄິດສະຕະຈັກປະມານ ຄ.ສ 431, ຫຼັງຈາກພະເຢຊູໄດ້ສະເດັດຂຶ້ນສູ່ສະຫວັນ ແລະ
ອັກຄະທູດທັງໝົດໄດ້ຈາກໄປ. ອີງຕາມຄໍາສອນຂອງພະອັນຊັງໂຮງ ແລະ ພະເຈົ້າພະມານດາ
ຜູ້ທີ່ຊົງກ່າວວ່າ “ຢ່າຂາບໄຫວ້ຮູບໂຄລົບ”, ຄິດສະຕະຈັກຂອງພະເຈົ້າບໍ່ໄດ້ຕັ້ງ ແລະ ບໍ່ໄດ້ຂາບໄຫວ້
ໄມ້ກາງແຂນ ຫຼື ຮູບໃດໆ.
“ຢ່າເຮັດສໍາລັບຕົນຮູບຢ່າງໃດຢ່າງໜຶ່ງ ອັນເປັນຕົວແທນຂອງສິ່ງທີ່ຢູ່ໃນທ້ອງຟ້າ
ຫຼື ເທິງແຜ່ນດິນໂລກ ຫຼື ຢູ່ໃຕ້ນໍ້າລຸ່ມປັດຖະພີ ຢ່ານົບ ຫຼື ຂາບໄຫວ້ຮູບເຫຼົ່ານັ້ນ...
[ອົບພະຍົບ 20:4-5]
‘ຄໍາສາບແຊ່ງຂອງພະເຈົ້າຕົກຖືກທຸກໆຄົນທີ່ໃຊ້ຫີນ, ໄມ້ ແລະ ໂລຫະ ເຮັດຮູບໂຄລົບ
ແລະ ຂາບໄຫວ້ຮູບນັ້ນຢ່າງລັບລີ້; ພະຜູ້ເປັນເຈົ້າກຽດຊັງການຂາບໄຫວ້ຮູບໂຄລົບ.’
“ແລະ ປະຊາຊົນທັງໝົດຈະພ້ອມກັນຕອບວ່າ ‘ອາແມນ!’”
[ພະບັນຍັດສອງ 27:15]
- ວັນທີໂພດສ໌
- 2023. 07. 14
- ຄວາມຮູ້ສຶກ
- 154
