Ka Dor jong ka Bneng & ka Dor jong ka Pyrthei

Ngi Lah ban Iohi ia Kaei Kaba u Briew u Niewkor da ka Rukom ba Ki Kren

98% jong ka ktien kaba ngi kren ki neh ha ki jingmut jong ngi. Haba ka ktien sniew ka neh ha ka jingmut jong ngi, ka donkam da ki hajar ki ktien babha ban weng ia kata kawei ka ktien basniew. U Blei u la ong ia ngi ban kren barabor ia kiei kiei kiba bha da kaba ai ka jingnguh bad ban shad kmen khnang ba ngin lah ban sngewthuh ia ka dor jong ka Bneng bad kynshew ki jingkyrkhu ha Bneng.

Kano Phi Kwah ban Jied, Kiei Kiei Kiban Neh Tang Shipor bad Nangta ka Jah noh lane ka Burom Bymjukut?

Ki dkhot ka Balang U Blei ki dei kita kiba la sngewthuh ia ka dor bad ka jingkyrkhu jong ka Bneng. Ki long kita kiba ialap ia ka khubor: “To ngin ioh diang ka jingshongthait bymjukut da kaba rakhe ia ka Sngi Sabbaton bad ioh ka jingim bymjukut da kaba rakhe ia ka Niam ka Jinglait. Bad ruh, to ngin long ki khun U Blei da kaba pdiang ia U Kpa Ahnsahnghong bad Ka Blei Ka Kmie.” Barabor ki pynleit jingmut ha ka burom jong ka Hima ki Bneng babymjukut, ym ia ka burom jong kane ka pyrthei kaban sa jah noh shen.

Namar kata ngim man thait shuh . . . Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut, haba ngim khmih shuh ha kita kiei kiei ruh ia kiba iohi hynrei ia kita kiei kiei ruh kibym iohi; namar kita kiei kiei ruh kiba iohi ki long tang shibit, hynrei kita kiei kiei ruh kibym iohi ki long bymjukut.
2 Sha Ki Nong Korinth 4:16–18