သမ္မာကျမ်းစာ၏ လျှို့ဝှက်ချက်၊ ဧလိုဟင်မ်ဘုရားသခင်

သမ္မာကျမ်းစာထဲမှာ လျှို့ဝှက်ဆန်းကြယ်ဆုံးအပိုင်းဟာ ဘုရားသခင်ကို 'ငါတို့'လို့ရည်ညွှန်းထားတဲ့ ကမ္ဘာဦးကျမ်းလို့ ဆိုကြပါတယ်။

အဖေဘုရားသခင်ဟာ လူကိုဖန်ဆင်းတဲ့အခါ၊ “ငါ လူကိုဖန်ဆင်းမယ်”လို့ မပြောဘဲ “ငါတို့ ... လူကိုဖန်ဆင်းကြစို့”လို့ ပြောခဲ့ပါတယ်။ကမ္ဘာဦးကျမ်း ၁:၂၆

ဘုရားသခင်ဟာ အဖေတစ်ပါးတည်းဖြစ်တယ်ဆိုရင် သမ္မာကျမ်းစာမှာ ဘာကြောင့် “ငါတို့”လို့ ဖော်ပြထားတာပါလဲ။

“အစအဦး၌ ဘုရားသခင်သည် ကောင်းကင်နှင့် မြေကြီးကိုဖန်ဆင်းတော်မူ၏။”ကမ္ဘာဦးကျမ်း ၁:၁

သမ္မာကျမ်းစာမူရင်းကျမ်းပိုဒ် တိုရာမှာ “ဘုရားများ”လို့ အဓိပ္ပာယ်ရတဲ့ “ဧလိုဟင်မ်”လို့ ရေးထားပါတယ်။
ဧလိုဟင်မ်ဆိုတာ ဘုရားသခင်ကို အနည်းကိန်းပုံစံနဲ့ဖော်ပြတဲ့ အယ်လ် ဒါမှမဟုတ် ဧလိုအာရဲ့ အများကိန်းပုံစံအဖြစ် ဘုရားများလို့ အဓိပ္ပါယ်ရပါတယ်။ သမ္မာကျမ်းစာမှာ အကြိမ်ပေါင်း (၂၅၀၀)ကျော် ဘုရားများ(ဧလိုဟင်မ်)လို့ ရေးထားပါတယ်။
ဒါဟာ အဖေဘုရားသခင်ပဲ မဟုတ်ဘဲ တခြားဘုရားသခင်လည်း ရှိသေးတယ်ဆိုတာကို ပြသနေပါတယ်။ ဘုရားသခင်ရဲ့ပုံသဏ္ဌာန်တော်နဲ့အညီ ယောက်ျားနဲ့ မိန်းမကို ဖန်ဆင်းခဲ့ပါတယ်။

“ထိုသို့ဘုရားသခင်[ဧလိုဟင်မ်]သည် မိမိပုံသဏ္ဌာန်နှင့်အညီ လူကိုဖန်ဆင်းတော်မူ၏။ ဘုရားသခင်[ဧလိုဟင်မ်]၏ပုံသဏ္ဌာန်တော်နှင့်အညီ လူယောက်ျား၊ လူမိန်းမကိုဖန်ဆင်းပြီးလျှင်”ကမ္ဘာဦးကျမ်း ၁:၂၇

ယောက်ျားဟာ အဖေဘုရားသခင်ရဲ့ပုံသဏ္ဌာန်နဲ့အညီ ဖန်ဆင်းခံခဲ့ရပါတယ်။ မိန်းမကို အမေဘုရားသခင်ရဲ့ပုံသဏ္ဌာန်အတိုင်း ဖန်ဆင်းခဲ့ပါတယ်။ တစ်နည်းအားဖြင့် ဖန်ဆင်းရှင်ဘုရားသခင် ‘ဧလိုဟင်မ်’ဟာ အဖေဘုရားသခင်နဲ့ အမေဘုရားသခင်ကို ရည်ညွှန်းပါတယ်။
ပြီးတော့ နောက်ဆုံးကာလရောက်တဲ့အခါ ဘုရားသခင်ဟာ ပေါ်ထွန်းလာမယ်လို့ ကတိပြုထားခဲ့ပါတယ်။ (၁တိ ၆:၁၅)
သားတော်ခေတ်မှာ ဘုရားသခင်ဟာ ယေရှုခရစ်အဖြစ် ပေါ်ထွန်းခဲ့ပါတယ်။
ဒီခေတ်မှာ ဧလိုဟင်မ်၊ အဖေဘုရားသခင်နဲ့ အမေဘုရားသခင်ဟာ လူသားတွေကို ကယ်တင်ဖို့အတွက် လူ့ဇာတိနဲ့ ကြွလာမှာဖြစ်ပါတယ်။
ဘုရားသခင်၏အသင်းတော် ကမ္ဘာ့ဧဝံဂေလိ သာသနာပြုအဖွဲ့အစည်းဟာ ခရစ်တော်အန်ဆန်ဟုန်းနဲ့ အမေဘုရားသခင်ကို သန့်ရှင်းသောဝိညာဉ်တော်ခေတ်ရဲ့ ကယ်တင်ရှင်ဖြစ်တဲ့ ဝိညာဉ်တော်နဲ့ မင်္ဂလာဆောင်သတို့သမီးအဖြစ် ယုံကြည်ပါတယ်။