Baibelni a Kók Huijak, Elohim Kaitor

O bijab jotoni slái huijak kuk kók wng kha Yaphango se hwnwi sa-o, je aro-o Kaitorno “chwng” hwnwi sulwi sajakmani. Apha Kaitor borokno snam phuru, Bó, “Ang borokno snamnai . . . ,” hwnwi sa ya, tamo khe Bó “Phai di chwng borokno snamnai . . .” hwnwi se sa-o. (Yaphang 1:26) Kaitor wng kha Apha khe, Khoroksa se! Tumung abo hai se hwn khe, tamni bagwi Kaitorno Baibelo “chwng” hwnwi swbai sukhrub sajak khna? “Yaphango Kaitor nokharok tei hayungno snam kha.” Yaphang 1:1 Baibelni sói kókthái bijab, Tora-o, abono Elohim[אלוהים] hwnwi swijago abo hwnmani wng kha “Kaitorrok” hwnmani se. Aboni kókmang wng kha Snamnaisa Apha Kaitor simi ya hwnmani se. je abo Kaitorno swksa khe sajakmani a kók El eba khe Eloah-ni swkbáng kókthái. Baibelo, Kaitorno Kaitorrok[אלוהים] hwnwi 2,500 bar swijak tongo. Omono Apha Kaitor simi ya, phiya ba tei khoroksa Kaitor bo haino tongnani nangnai hwnwi phunugo Kaitorno kosol khe chwla tei bwrwi snam jak kha. “Hakhe Kaitor [אלוהים] borokno bono kosol [אלוהים] khe snam kha, chwla tei bwrwi khe bórokno snam kha.” Yaphang 1:27 Chwla hwn khe Apha Kaitorno kosol khe snam jak kha. Bwrwi hwn khe Ama Kaitorno kosol khe snamjak kha. Snamnaisa Elohim[אלוהים] wng kha Apha Kaitor bai Ama Kaitor se. Tei páithakni salo Kaitor nukjak phainai hwnwi kók diyari sasokjak kha. (1Timothi 6:15) Sajlani molo, Kaitor Jisu wngwi nukjak phai kha. Phola Kwtharni molo khe, Kaitor bororokno mwthangna bagwi bahai khe nukjak phai nai? O molo, Elohim, Apha Kaitor bai Ama Kaitor, bororokno mwthangna bagwi bahan bwthẃi-o khe phainai. The World Mission Society Church of God Khristo Ahnsahnghong bai Ama Kaitorno Phola Kwtharni Molni Mwthangnaisa a Phola bai Hamjwk Kwtal hwnwi puitu khlai-o. O bijab Baibelni a kók huijakrokno tẃiwi swi-o, je abo bisi sai sai romwi buchiui man ya wngwi tongmani.