ကောင်းကင်သွားသောလမ်းနှင့် သဲကန္တာရလမ်း (၂)

လူ၏အတွေးမဟုတ်ဘဲ၊ ဘုရားသခင်၏နှုတ်ကပတ်တော်အားဖြင့် သွားသော ကောင်းကင်နိုင်ငံ

ကောင်းကင်သွားတဲ့လမ်းနဲ့ သဲကန္တာရလမ်းဟာ အစစ်နဲ့အရိပ်ကြားက
ဆက်စပ်မှုကို ပြသနေပါတယ်။
သဲကန္တာရထဲက နှစ်(၄၀)ဘဝခရီးကနေတစ်ဆင့်၊ လူတွေကို
ကောင်းကင်နိုင်ငံဝင်ခြင်းကနေ ရပ်တန့်စေနိုင်တဲ့ အကြီးမားဆုံး
အန္တရာယ်ရှိတဲ့အချက်တွေဟာ ဘုရားသခင်ရဲ့နှုတ်ကပတ်တော်ကို မနာခံခြင်းနဲ့
ဘုရားသခင်ကို ပြစ်တင်မြည်တမ်းခြင်းပဲ ဖြစ်တယ်ဆိုတာကို
ကျွန်တော်တို့ တွေ့မြင်နိုင်ပါတယ်။

ကြီးမားတဲ့အလိုတော်နဲ့အတူ ကျွန်တော်တို့ကို အမိန့်ပေးတော်မူတဲ့
ဘုရားသခင်ရဲ့ရှေ့မှာ ကျွန်တော်တို့ရဲ့အတွေးအခေါ်နဲ့
အတွေ့အကြုံတွေကို ဦးစားတာဟာ မြည်တမ်းခြင်းနဲ့ မနာခံခြင်းကို ဖြစ်စေပါတယ်။

နာခံခြင်းအားဖြင့်ထွက်ပေါ်လာသော ယုံကြည်ခြင်း၏အရွယ်အစား

ခမည်းတော်ခေတ်မှာ ယေဟောဝါရဲ့ နှုတ်ကပတ်တော်ကို နာခံခဲ့တဲ့ နောဧနဲ့ အာဗြဟံတို့လိုမျိုး၊
သားတော်ခေတ်မှာ ယေရှုခရစ်ရဲ့ နှုတ်ကပတ်တော်ကို နာခံခဲ့တဲ့ ပေတရုနဲ့ တခြားတပည့်တော်တွေလိုမျိုး၊
နောက်ဆုံး သန့်ရှင်းသောဝိညာဉ်တော်ခေတ်မှာ ကယ်တင်ရှင်အဖြစ်ကြွလာတဲ့
ဝိညာဉ်တော် အန်ဆန်ဟုန်းဘုရားသခင်နဲ့ အမေဘုရားသခင်ရဲ့စကားကို နာခံတဲ့သူတွေဟာ
ထာဝရကောင်းကင်နိုင်ငံကို ဝင်နိုင်ပါတယ်။

“သင်တို့သည် ငါ၏ချမ်းသာထဲသို့မဝင်ရကြဟု
ကျိန်ဆိုတော်မူသောသူတို့ကား
မယုံကြည်သောသူ(စံမီကျမ်းစာ - နာခံခြင်းမရှိသောသူ)မှတပါး အဘယ်သူနည်း။” ဟေဗြဲဩဝါဒစာ ၃:၁၈