နာခံခြင်းအားဖြင့်ခံရသော ကယ်တင်ခြင်း

သန့်ရှင်းသောဝိညာဉ်တော်ခေတ်တွင် သိုးသငယ်၏ခေါ်ဆောင်ခြင်းကို အဆုံးထိ လိုက်လျှောက်သော ဘုရားသခင်၏အသင်းတော်ရှိ သန့်ရှင်းသူများ

မနာခံတဲ့သူတွေဟာ ဓမ္မဟောင်းကျမ်းရဲ့သမိုင်းမှာ မြင်တွေ့ရတဲ့အတိုင်း ခါနာန်ပြည်ဖြစ်တဲ့ ကောင်းကင်ကို မဝင်နိုင်ပါဘူး။
ဒီသမိုင်းတစ်လျှောက်မှာ အစပိုင်းမှာ နာခံမှုရှိခဲ့ပေမယ့် နောက်ပိုင်းမှာ မနာခံမှုအဖြစ် စိတ်ပြောင်းလဲသွားတဲ့ ဇေဒကိမင်းကြီး၊ တစ်ဝက်နာခံပြီး တစ်ဝက်မနာခံခဲ့တဲ့ ရှောလုမင်းကြီးနဲ့ အစကတည်းက မနာခံတဲ့သူတွေကို မြင်တွေ့နိုင်ပါတယ်။ သိုးသငယ်ခေါ်ဆောင်တဲ့နေရာတိုင်းမှာ အဆုံးထိ နာခံလိုက်လျှောက်တဲ့သူတွေဟာ ကယ်တင်ခြင်းခံရနိုင်ပါတယ်။

လူသားများသည် ဘုရားသခင့်နှုတ်ကပတ်တော်ကို နာခံသင့်သည့် အဓိကအကြောင်းရင်းသည် အဘယ်နည်း။

သိုးသငယ်အဖြစ် ကြွလာတဲ့ ခရစ်တော်အန်ဆန်ဟုန်းဟာ ဘုရားသခင်ရဲ့နှုတ်ကပတ်တော်ကို နာခံတဲ့သူတွေက ကောင်းကင်ကို သွားမယ်ဆိုတာကို သမ္မာကျမ်းစာထဲမှာ အတည်ပြုခဲ့ပါတယ်။ “အမေဘုရားသခင်ရဲ့ သင်ကြားမှုကို အပြည့်အဝနာခံတဲ့အခါ မမျှော်လင့်ထားတဲ့ ကောင်းတဲ့အရာတွေ အများကြီး ဖြစ်လာလိမ့်မယ်”လို့ သွန်သင်ချက်ကို ထားရစ်ခဲ့ပါတယ်။

“သင်သည် အသက်ရှင်၍ များပြားမည်အကြောင်း၊ ထာဝရဘုရားသည် သင်၏ဘိုးဘေးတို့အား ကျိန်ဆိုတော်မူသောပြည်သို့သွား၍ ဝင်စားမည်အကြောင်း၊ ယနေ့ ငါမှာထားသော ပညတ်အလုံးစုံတို့ကို ကျင့်ဆောင်အံ့သောငှာ သတိပြုရမည်။ သင်၏ဘုရားသခင် ထာဝရဘုရားသည် သင့်ကိုနှိမ့်ချစုံစမ်း၍၊ ပညတ်တော်တို့ကို ကျင့်ချင်သောစိတ်ရှိသည် မရှိသည်ကို သိမည်အကြောင်း၊...”
တရားဟောရာကျမ်း ၈:၁-၂

“သင်တို့သည် ငါ၏ချမ်းသာထဲသို့ မဝင်ရကြဟု ကျိန်ဆိုတော်မူသော သူတို့ကား၊ မယုံကြည်သောသူမှတစ်ပါး အဘယ်သူနည်း။ သို့ဖြစ်၍၊ သူတို့သည် မယုံကြည်သောကြောင့်သာ မဝင်နိုင်သည်ကို ငါတို့သိမြင်ကြ၏။”
ဟေဗြဲသြဝါဒစာ ၃:၁၈-၁၉