Ang Kaligtasan na Ibinibigay sa Pamamagitan ng Pagsunod

Ang mga Miyembro ng Church of God Ay Sumusunod sa Patnubay
ng Kordero Hanggang sa Wakas sa Panahon ng Espiritu Santo

Ang mga hindi sumusunod ay hindi makakapasok
sa lupain ng Canaan, iyon ay, ang kaharian ng langit,
gaya ng nakita sa kasaysayan ng Lumang Tipan.
Ang mga taong gaya ni Haring Zedekias na masunurin noong una pero bumaling kalaunan sa pagsuway, at ang mga taong gaya ni Haring Saul na bahagyang sumunod at bahagyang sumuway, pati ang mga taong sumuway mula sa pasimula ay hindi maliligtas, kundi ang mga sumusunod sa Kordero nang may pagsunod saan man Siya magtungo ay maliligtas.

Ano ang Pangunahing Dahilan Kung Bakit Dapat na Sundin ng Sangkatauhan ang mga Salita ng Diyos?

Si Cristo Ahnsahnghong, na dumating bilang ang Kordero,
ay nagkumpirma sa pamamagitan ng Biblia na
ang mga sumusunod sa mga salita ng Diyos ay makakapasok sa langit.
Iniwan Niya ang Kanyang mga katuruan sa sangkatauhan, sinasabing,
“Pag lubusan niyong sinunod ang mga katuruan ng Diyos Ina,
mangyayari ang maraming mabubuting bagay na hindi niyo inaasahan.”

“Inyong maingat na gawin ang lahat ng utos na aking iniuutos sa iyo
sa araw na ito upang kayo’y mabuhay at dumami, at makapasok
at angkinin ang lupain na ipinangako ng PANGINOON
sa inyong mga ninuno … upang kanyang pagpakumbabain ka,
at subukin ka, upang malaman kung ano ang nasa iyong puso,
kung iyong tutuparin ang kanyang mga utos o hindi.”
Deuteronomy 8:1–2

At kanino siya sumumpa na hindi sila makakapasok
sa kanyang kapahingahan, kung hindi sa mga sumuway?
Kaya’t nakikita natin na sila’y hindi nakapasok
dahil sa kawalan ng pananampalataya.
Hebrews 3:18–19