ຄວາມພົ້ນຖືກມອບໃຫ້ໂດຍຜ່ານການເຊື່ອຟັງ

[ບັນດາຜູ້ເຊື່ອຖືໃນຄິດສະຕະຈັກຂອງພະເຈົ້າຕິດຕາມຄໍາແນະນໍາຂອງລູກແກະພະເຈົ້າ
ຈົນເຖິງສຸດທ້າຍ ໃນສະໄໝພະວິນຍານບໍລິສຸດ]

ບັນດາຜູ້ທີ່ບໍ່ເຊື່ອຟັງ ບໍ່ສາມາດເຂົ້າສູ່ອານາຈັກສະຫວັນ ເຊິ່ງເປັນດິນແດນການາອານໄດ້, ດັ່ງທີ່ພົບເຫັນໃນປະຫວັດສາດຂອງພັນທະສັນຍາເດີມ.
ໂດຍຜ່ານປະຫວັດສາດນີ້, ພວກເຮົາສາມາດເຫັນວ່າ ກະສັດເສເດກີຢາເຊື່ອຟັງຢ່າງໃດໃນຕອນທໍາອິດ ແຕ່ພາຍຫຼັງມາ ໄດ້ປ່ຽນເປັນບໍ່ເຊື່ອຟັງ ແລະ ການທີ່ກະສັດໂຊນເຊື່ອເຄິ່ງໜຶ່ງ ແລະ ບໍ່ເຊື່ອເຄິ່ງໜຶ່ງຢ່າງໃດ ເຊັ່ນດຽວກັນກັບປະຊາຊົນທີ່ບໍ່ໄດ້ເຊື່ອຟັງຕັ້ງແຕ່ຕົ້ນ. ປະຊາຊົນເຫຼົ່ານີ້ບໍ່ສາມາດຮັບຄວາມພົ້ນໄດ້, ແຕ່ວ່າ ບັນດາຜູ້ທີ່ຕິດຕາມລູກແກະພະເຈົ້າໃນທຸກທີ່ທຸກບ່ອນທີ່ພະອົງຊົງໄປ ດ້ວຍຄວາມເຊື່ອນັ້ນ ຈະໄດ້ຮັບຄວາມພົ້ນ.

[ແມ່ນຫຍັງຄືເຫດຜົນຫຼັກ ທີ່ມະນຸດຊາດຄວນເຊື່ອຟັງພະຄໍາຂອງພະເຈົ້າ?]

ພະຄິດອັນຊັງໂຮງ ຜູ້ຊົງສະເດັດມາເປັນດັ່ງລູກແກະພະເຈົ້າ ໄດ້ຊົງຢືນຢັນໂດຍຜ່ານພະຄໍາພີວ່າ
ບັນດາຜູ້ທີ່ເຊື່ອຟັງພະຄໍາຂອງພະເຈົ້າຈະໄປສູ່ສະຫວັນໄດ້. ພະອົງໄດ້ຊົງໃຫ້ຄໍາສັ່ງສອນແກ່ມະນຸດຊາດວ່າ:
“ເມື່ອພວກເຮົາເຊື່ອຟັງຄໍາສັ່ງສອນຂອງພະເຈົ້າພະມານດາຢ່າງຄົບບໍລິບູນແລ້ວ, ສິ່ງທີ່ດີຫຼາຍໆຢ່າງທີ່ພວກທ່ານບໍ່ຄາດຄິດ ກໍຈະເກີດຂຶ້ນ”.

“ຈົ່ງເຊື່ອຟັງຢ່າງສັດຊື່ ພະບັນຍັດທັງປວງ ທີ່ຂ້າພະເຈົ້າໄດ້ມອບໃຫ້ພວກເຈົ້າໃນມື້ນີ້
ເພື່ອພວກເຈົ້າຈະມີຊີວິດຢູ່, ມີຈໍານວນຄົນຕື່ມຂຶ້ນ ແລະ ຍຶດຄອງດິນແດນທີ່ພະຜູ້ເປັນເຈົ້າ
ໄດ້ສັນຍາໄວ້ກັບປູ່ຍ່າຕາຍາຍຂອງພວກເຈົ້າ... ພະອົງໄດ້ທົດສອບພວກເຈົ້າ ໃນຄວາມທຸກລໍາບາກຄືກັນ ເພື່ອຢາກຈະຢັ່ງຮູ້ຈິດໃຈຂອງພວກເຈົ້າວ່າເປັນຢ່າງໃດ ແລະ ພວກເຈົ້າຈະເຊື່ອຟັງຂໍ້ຄໍາສັ່ງຂອງພະອົງ ຫຼື ບໍ່.
[ພະບັນຍັດສອງ 8:1–2]

ເມື່ອພະເຈົ້າໄດ້ເຮັດຄໍາສັນຍາຢ່າງໜັກແໜ້ນວ່າ “ເຂົາຈະບໍ່ໄດ້ເຂົ້າໄປຈັກເທື່ອໃນດິນແດນບ່ອນທີ່ເຮົາ
ຈະໃຫ້ເຂົາໄດ້ພັກຜ່ອນ!” ແມ່ນສໍາລັບໃຜໜໍທີ່ພະເຈົ້າໄດ້ກ່າວເຖິງ? ກໍແມ່ນສໍາລັບຄົນກະບົດເຫຼົ່ານັ້ນແຫຼະ.
ດັ່ງນັ້ນພວກເຮົາຈຶ່ງເຫັນວ່າ ພວກເຂົາເຂົ້າໄປໃນດິນແດນບໍ່ໄດ້ ເພາະພວກເຂົາບໍ່ໄດ້ເຊື່ອ.
[ເຮັບເລີ 3:18–19]