प्रायश्चितको दिनको अर्थ

हिजोआज परमेश्वरको मण्डलीमा वार्षिक रूपमा मनाइने प्रायश्चितको दिनचाहिँ इस्राएलीहरूको ४० वर्षे उजाड-स्थानको जीवनबाट सुरु भएको हो । परमेश्वरले प्रायश्चितको दिनद्वारा मानव-जातिलाई पाप-क्षमा र मुक्तिको मार्ग थाहा दिनुभएको छ ।

[प्रायश्चितको दिनको उत्पत्ति]

मोशाले दश आज्ञा लिनलाई सीनै पर्वतमा उक्लेर चालीस दिन उपवास बसेको समयमा सुनको बाछाको मूर्तिलाई पुजेका इस्राएलीहरूलाई, परमेश्वरले क्षमा गरिदिनुभएको दिन नै प्रायश्चितको दिन हो । परमेश्वरले पाप-क्षमा गरिदिनुभयो भन्ने अर्थमा इस्राएलीहरूलाई दोस्रो पल्ट दश आज्ञा दिनुभएको दिन नै प्रायश्चितको दिन हो ।

[पुरानो करारको प्रायश्चितको दिन र त्यसको अगमवाणीको पूर्णता]

सामान्य दिनहरूमा, इस्राएलीहरूका सबै पापहरू एक वर्षसम्म पवित्रस्थानमा राखिन्थ्यो । अनि प्रायश्चितको दिनमा, प्रधान पूजाहारीले छाडा छोडिने बोकामा हात राखेपछि पापहरू त्यसमाथि सारिन्थ्यो र छाडा छोडिने बोकालाई उजाड-स्थानमा पठाइन्थ्यो । त्यो छाडा छोडिने बोका मऱ्यो भने अन्ततः इस्राएलीहरूका सबै पापहरू क्षमा हुन्थ्यो ।

त्यसै गरी, पवित्रस्थानको वास्तविकता हुनुभएका पिता परमेश्वर र माता परमेश्वरले मानव-जातिको सम्पूर्ण पाप र कष्टहरू सट्टामा बोकिदिनुहुन्छ । प्रायश्चितको दिनमा उहाँहरूले ती सबै पापहरू शैतानमा सारिदिनुहुन्छ, तब शैतान नरकको दण्डमा प्रवेश गर्छ ।

तिनीहरूलाई बहकाउने त्यो दियाबलस आगो र गन्धकको कुण्डमा फालियो, जहाँ त्यो पशु र झूटो अगमवक्ता पनि थिए । त्यहाँ तिनीहरूले दिनरात सदासर्वदै यातना भोग्नेछन् । प्रकाश २०:१०