کفا رہ کے دِن کا مفہوم

کفارہ کا دِن جو آج خُدا کی کلیسیا میں ہر سال منایا جاتا ہے اِسرائیلیوں کی بیابان میں چالیس سالہ زِندگی سے شروع ہُؤا تھا۔ اور کفارہ کے دِن کے ذریعے خُدا نے سب لوگوں کو بتایا کہ ہمیں گُناہوں کی معافی اور نجات کیسے بخشی گئی ہے۔

کفا رہ کے دِن کا آغاز

کفارہ کا دِن وہ دِن ہے جب خُدا نے بنی اسرائیل کو اُس وقت معاف کیا جب انہوں نے سونے کے بچھڑے کی پرستش کی تھی، جبکہ موسیٰ کوہِ سینا پر چالیس دن روزہ رکھ کر دس احکام حاصل کرنے کے لیے ٹھہرا ہُوا تھا۔ یہ وہ دِن ہے جب خُدا نے دوسری بار اُنہیں دس احکام بطور نشان کے بخشے تھے کہ اُنہوں نے اُن کے گُناہ معاف کئے تھے۔

پُرانے عہد نامہ میں کفارہ کا دِن اور اِس کی نبُوت کی تکمیل

عام اوقات میں لوگوں کے تمام گُناہ ایک سال تک مقدِس میں رکھے جا تے تھے ۔ اور کفارہ کے دن سردار کاہن نے اپنے ہاتھ عَزَازیل پر رکھے اور گناہوں کو اُس پر منتقل کیا، پھر اُس بکرے کو بیابان میں چھوڑ دیا گیا۔

جب عزازیل مر گیا تو آخر کار لوگوں کے تمام گُناہ معاف ہو گئے ۔ اِسی طرح خُدا باپ اور خُدا ماں جو مقدِس کی حقیقت ہیں بنی نوع اِنسان کے تمام گُناہ اور دُکھ اُٹھاتے ہیں اور کفارے کے دِن پر وہ تمام گُناہ شیطان کو دے دیتے ہیں اور پھر شیطان جہنم کی سزا میں داخِل ہو جاتا ہے۔

اور اُن کو گمراہ کرنے والا ابلیس آگ کے ساتھ گندھک کی جھیل میں ڈالا گیا جہاں وہ حیوان اور جھوٹا نبی بھی ڈالا گیا تھا ۔ وہ رات دِن ابدُالآباد عذاب میں رہیں گے۔ مُکاشفہ 10:20