Ang Imong Puloy-anan mao ang Langit

Asa ta gikan? Asa ta paingon human kita mamatay? Bisan tuod daghang mga pilosopo, teologo ug siyentista ang nangita sa tubag sa kahulogan sa kinabuhi sulod sa daghang siglo, dili gani sila makasugyot ug teoriya nga dili mosumpaki sa ilang kaugalingon. Wala mahibalo sa kahulogan sa kinabuhi ang mga tawo naglatagaw, gigapos sa ilang mga trabaho ug nag-atubang sa kamatayon.

Sama sa mga dahon nga nangahulog, nga gihuyop sa hangin, ang atong kinabuhi usa lamang ka walay sulod nga damgo sama sa nangahulog nga mga dahon. Bisan pa, adunay usa ka butang nga hinungdanon nga gitago sa atong kinabuhi.

Ang Biblia nagtudlo nga ang kamatayon nagpasabot nga “mopauli” sa langit. (Ecc 12:7)
Ang “mopauli” nagpasabot sa pagbalik sa imong gigikanan.
Sa wala pa gibuhat sa Dios ang yuta, didto ka na sa langit.

“Diin ka man, Job, sa pagbuhat ko sa kalibotan? Didto ka sa langit ug nabuhi sa daghang katuigan!” Job 38:1-21

Gitudloan sa Dios si Job nga sa wala pa siya matawo sa kalibotan, didto na siya sa langit.
Sama kang Job, didto na usab kita sa langit sa wala pa kita matawo sa kalibotan.
Samtang ania pa kita sa kalibotan, ang atong lawas usa ka “tolda” diin ang atong kalag nagpuyo sa makadiyot. (2 Co 5:1)

Busa, ang mga apostoles nga gitudlo ni Jesus nagtawag sa katawhan nga “mga langyaw” ug “mga lumalabay.”
Nakahibalo sila nga ang atong yutang natawhan mao ang “langit.” (Heb 11:13)
Sa langit, kung asa walay limitasyon sa panahon, luna ug katulin, nakasala kita.
Ang katawhan gitambog sa yuta, nawad-an sa mga handumanan sa langit.
Nag-agulo sa kasakit sa mga sala, ang mga tawo nangurog sa kahadlok sa tanang matang sa katalagman. Wala ba ka gimingaw sa atong matahum ug mahimayaong panimalay?

Wala na bay paagi nga makabalik sa atong mahimayaong langitnong puloy-anan?
Sa diha lamang nga makit-an na nato ang tubag kita makabalik. 2,000 ka tuig ang milabay, si Jesus mianhi ug mitudlo kanato kon sa unsang paagi kita makadawat sa kapasayloan sa mga sala nga atong nahimo didto sa langit ug miabli sa dalan ngadto sa gingharian sa langit. (Mt 26:26)

Niining panahona, ang Espiritu ug ang Pangasaw-onon—si Cristo Ahnsahnghong ug ang Dios nga Inahan—nagpasig-uli sa nawala nga Pagsaylo, ug mitultol kanato ngadto sa atong walay kataposang puloy-anan, Langit. Nanghinaut ko nga imong tumanon ang gipahiuli nga Pagsaylo ug mobalik sa atong langitnong puloy-anan nga imong gimingaw.
Kami nagdapit kanimo sa atong walay katapusang puluy-anan, langit.