កុំ​ឱ្យភ្លេច​ច្បាប់របស់​ព្រះឡើយ

[ហេតុ​អ្វី​ ព្រះគ្រីស្ទអាន់សាំងហុង និង​ព្រះមាតា​ សង្កត់​ធ្ងន់​លើ​ច្បាប់របស់​ព្រះ?]

ពេល​រស់​នៅ​ក្នុង​ជីវិត​ដែល​កាន់​តាម​ច្បាប់របស់​ព្រះ នោះព្រះពរ​ជា​បរិបូរ ​តែង​តែ​បង្គរទុកសម្រាប់​យើង។ ដោយ​ហេតុ​នេះ នៅ​ក្នុង​បុណ្យ​ដែល​ព្រះ​បាន​តាំង​ឡើង​ តាំង​ពី​ជំនាន់ព្រះវរបិតា ដូចជាថ្ងៃឈប់សម្រាក និងបុណ្យរំលង នោះតែងតែមានសេចក្ដីបង្គាប់ ដែលថា "កុំឱ្យភ្លេចឱ្យសោះ ចូរឱ្យនឹកចាំ ហើយរក្សានៅជាដរាបតទៅ"។

[មូលហេតុ​សំខាន់ ​ដែល​សមាជិក ​ពួកជំនុំនៃព្រះ​ជុំវិញ​ពិភពលោក ​រក្សាច្បាប់​របស់​ព្រះ]

ព្រះគម្ពីរចែងទុកថា អស់អ្នកដែលកាន់តាមច្បាប់របស់ព្រះ នៅអស់ទាំងតំណតទៅ នោះនឹងទទួលពរ ក្នុងនាមជាមនុស្សសុចរិត ហើយថា អស់អ្នកដែលល្មើសនឹងច្បាប់របស់ព្រះ នោះចាត់ទុកថាជាការបះបោរ ដែលនឹងត្រូវទទួលទោស។ មូលហេតុ​ដែល​ជន​ជាតិ​អ៊ីស្រាអែល​ត្រូវ​បាន​ចាប់​ទៅ​ជា​ឈ្លើយ​នៅ​បាប៊ីឡូន គឺ​មក​ពី​ការ​មិន​កាន់តាមច្បាប់​របស់​ព្រះ។

យើងខ្ញុំក៏មិនបានស្តាប់តាមព្រះបន្ទូលរបស់ព្រះយេហូវ៉ា ព្រះនៃយើងខ្ញុំ ដើម្បីនឹងដើរតាមក្រឹត្យវិន័យរបស់ទ្រង់ ដែលទ្រង់បានតាំងនៅមុខយើងខ្ញុំ ដោយសារពួកហោរា ជាអ្នកបំរើទ្រង់ដែរ អើ ពួកអ៊ីស្រាអែលទាំងអស់គ្នាបានរំលងចំពោះក្រឹត្យវិន័យរបស់ទ្រង់ហើយ ក៏បែរចេញ ដើម្បីមិនឱ្យត្រូវស្តាប់តាមព្រះបន្ទូលទ្រង់ឡើយ ហេតុនោះសេចក្តីបណ្តាសានេះត្រូវចាក់មកលើយើងខ្ញុំ ព្រមទាំងសេចក្តីសម្បថដែលបានកត់ទុក នៅក្នុងក្រឹត្យវិន័យរបស់លោកម៉ូសេ ជាអ្នកបំរើនៃព្រះដែរ ពីព្រោះយើងខ្ញុំបានធ្វើបាបចំពោះទ្រង់ ដានីយ៉ែល ៩:១០-១១

ព្រមទាំងប្រព្រឹត្តតាមក្រឹត្យក្រមរបស់អញ ហើយរក្សាបញ្ញត្តច្បាប់របស់អញ ដើម្បីនឹងប្រព្រឹត្តដោយពិតត្រង់ នោះព្រះអម្ចាស់យេហូវ៉ា ទ្រង់មានព្រះបន្ទូលថា អ្នកនោះជាមនុស្សសុចរិតពិត អ្នកនោះនឹងរស់នៅជាប្រាកដ អេសេគាល ១៨:៩