దేవుని ధర్మశాస్త్రమును మరువకుందము

క్రీస్తు అన్ సాంగ్ హోంగ్ గారు, తల్లియైన దేవుడు దేవుని ధర్మశాస్త్రమును ఎందుకు నొక్కి చెప్పారు?

మనం దేవుని ధర్మశాస్త్రమును గైకొన్నప్పుడు, విస్తారమైన ఆశీర్వాదాలు ఎల్లప్పుడూ మనకు సిద్ధంగా ఉంటాయి. ఈ కారణంగా, తండ్రి యుగం నుండి దేవుడు స్థాపించిన పండుగలలో (విశ్రాంతి దినము, పస్కా వంటివి) ఎల్లప్పుడూ “మర్చిపోక, జ్ఞాపకముంచుకొని నిత్యము గైకొనండి” అనే ఆజ్ఞ ఉన్నది.

ప్రపంచవ్యాప్తంగా ఉన్న దేవుని సంఘ సభ్యులు దేవుని నియమాన్ని ఆచరించుటకు గల ముఖ్యమైన కారణము

అన్ని యుగాలలో దేవుని ధర్మశాస్త్రమును ఆచరించువారు నీతిమంతులుగా దీవించబడుదురని మరియు దేవుని ధర్మశాస్త్రమును ఉల్లంఘించువారు తిరుగుబాటు చేసినందుకు శిక్షింపబడుదురని పరిశుద్ధగ్రంథము సెలవిస్తుంది. ఇశ్రాయేలీయులు బబులోనుకు బంధీలుగా తీసుకెళ్ళబడుటకు గల కారణం దేవుని ధర్మశాస్త్రమును ఆచరించకపోవడం ఫలితమే.

ఆయన తన దాసులగు ప్రవక్తలద్వారా మాకు ఆజ్ఞలు ఇచ్చి, వాటిని అనుసరించి నడుచుకొనవలెనని సెలవిచ్చెను గాని, మేము మా దేవుడైన యెహోవా మాట వినకపోతిమి. ఇశ్రాయేలీయులందరు నీ ధర్మశాస్త్రమునతిక్రమించి నీ మాట వినక తిరుగుబాటు చేసిరి. మేము పాపము చేసితిమి గనుక–నేను శపించెదనని నీవు నీ దాసుడగు మోషే ధర్మశాస్త్రమందు ప్రమాణము చేసియున్నట్లు ఆ శాపమును మామీద కుమ్మరించితివి. దానియేలు 9:10–11

యథార్థపరుడై నా కట్టడలను గైకొనుచు నా విధుల ననుసరించుచుండినయెడల వాడే నిర్దోషియగును, నిజముగా వాడు బ్రదుకును; ఇదే ప్రభువైన యెహోవా వాక్కు. యెహెజ్కేలు 18:9