ກະສັດດາວິດ ແລະ ພະອັນຊັງໂຮງ

[ດາວິດໄດ້ຂຶ້ນເປັນກະສັດ ເມື່ອອາຍຸ 30 ປີ (2 ຊມອ 5:4)]

ພະເຢຊູ ຜູ້ທີ່ໄດ້ຊົງສະເດັດມາສູ່ໂລກນີ້ເທື່ອທໍາອິດ ຕາມຄໍາທໍານວາຍ ແຫ່ງການປົກຄອງຂອງດາວິດ
ໄດ້ຊົງຮັບບັບຕິດສະມາ ເມື່ອອາຍຸ 30 ປີ ແລະ ໄດ້ຊົງປະກາດຂ່າວປະເສີດ ເປັນເວລາ 3 ປີ.
ພະຄິດອັນຊັງໂຮງ ຜູ້ທີ່ໄດ້ຊົງສະເດັດມາເທື່ອທີສອງ ເປັນດາວິດຝ່າຍຈິດວິນຍານ
ກໍ່ໄດ້ຊົງຮັບບັບຕິດສະມາ ເມື່ອອາຍຸ 30 ປີເຊັ່ນກັນ ແລະ ໄດ້ຊົົງປະກາດຂ່າວປະເສີດ
ເປັນເວລາ 37 ປີທີ່ຍັງເຫຼືອ ເພື່ອສໍາເລັດຄໍາທໍານວາຍກ່ຽວກັບ ການປົກຄອງ 40 ປີ.

[ພະອັນຊັງໂຮງໄດ້ຊົງເລີ່ມປະກາດຂ່າວປະເສີດໃນປີ 1948 ຕາມ
ຄໍາທໍານວາຍຂອງຕົ້ນເດື່ອເທດ]

ພະເຢຊູໄດ້ຊົງທໍານວາຍວ່າ ບຸດມະນຸດຈະຊົງສະເດັດມາເທື່ອທີສອງ ເມື່ອຕົ້ນເດື່ອເທດຟື້ນຂຶ້ນມາ
ເຊິ່ງແມ່ນເວລາ ທີ່ປະເທດອິດສະລາເອນໄດ້ຮັບເອກະລາດໃນປີ 1948.
ຜູ້ທີ່ໄດ້ຊົງສະເດັດມາສູ່ໂລກນີ້ ເທື່ອທີສອງ ເປັນດາວິດຝ່າຍຈິດວິນຍານຕາມຄໍາທໍານວາຍ
ໂດຍຟື້ນຟູເທດສະການແຫ່ງຊີວິດ ທີ່ຖືກລຶບລ້າງໄປເຊັ່ນ ມື້ພະ, ເທດສະການປັດສະຄາ ແລະ ອື່ນໆ
ແລະ ຊົງນໍາພາມະນຸດຊາດທັງຫຼາຍໄປສູ່ຄວາມພົ້ນນັ້ນ ແມ່ນພະຄິດອັນຊັງໂຮງ.

ຄິດສະຕະຈັກທີ່ເຊື່ອໃນພະອັນຊັງໂຮງ ຜູ້ທີ່ໄດ້ຊົງສະເດັດມາເປັນດາວິດ
ແລະ ພະມານດາແຫ່ງສະຫວັນ ຜູ້ທີ່ພະອັນຊັງໂຮງໄດ້ຊົງພິຍານເຖິງດ້ວຍພະອົງເອງນັ້ນ
ແມ່ນຄິດສະຕະຈັກຂອງພະເຈົ້າ ສະມາຄົມເຜີຍແຜ່ຂ່າວປະເສີດທົ່ວໂລກ.

“ແຕ່ພວກເຂົາກັບຈະຮັບໃຊ້ເຮົາຄືພະຜູ້ເປັນເຈົ້າ
ອົງເປັນພະເຈົ້າຂອງພວກເຂົາ ແລະ ຮັບໃຊ້ເຊື້ອສາຍຂອງດາວິດ
ຜູ້ທີ່ເຮົາຈະມອບອຳນາດໃຫ້ເປັນກະສັດຂອງພວກເຂົາ.” [ເຢເລມີຢາ 30:9]