வேதாகமத்தில் வாரத்தின் எந்த நாள் ஓய்வுநாள்?

தம்மை விசுவாசிப்பவர்களுக்கு தேவன் ஆராதனை நாளை நியமித்திருக்கிறார்.

"ஓய்வுநாளைப் பரிசுத்தமாய் ஆசரிக்க நினைப்பாயாக." யாத் 20:8

ஓய்வுநாள் தேவனுக்கும் தம்முடைய ஜனங்களுக்கும் ஓர் அடையாளமாகும். இது தேவன் தம்முடைய ஜனங்களை பரிசுத்தம் பண்ணுகிற நாளாகும். (எசே 20:12). எனவே, தேவன் நியமித்த ஆராதனை நாளான ஓய்வுநாளை தேவனுடைய ஜனங்கள் கைக்கொள்ள வேண்டும்.

ஓய்வுநாள் என்பது தேவன் வானத்தையும் பூமியையும் ஆறு நாளில் சிருஷ்டித்து ஏழாம் நாளில் ஓய்ந்திருந்த நாளாகும். (ஆதி 2:3) ஏழாம் நாளான ஓய்வுநாள் என்பது தேவனுடைய சிருஷ்டிப்பின் வல்லமையை நினைவுகூறும் நாளாகும்.

அப்படியென்றால், வாரத்தின் எந்த கிழமை ஏழாம் நாள்?

• ஞாயிறு: வாரத்தின் முதல் நாள்
• சனிக்கிழமை: வாரத்தின் ஏழாம் நாள்

அகராதிகளில் ஏழாம் நாள் சனிக்கிழமை என்று பதிவு செய்யப்பட்டுள்ளது. நாம் நாட்காட்டியைப் பார்த்தால், ஏழாம் நாளான ஓய்வுநாள் சனிக்கிழமையாகும். வாரத்தின் முதல் நாளில் இயேசு உயிர்த்தெழுந்தார் என்று வேதாகமம் சொல்கிறது. (மாற்கு 16:9) அதே வசனத்தை, குட் நியூஸ் வேதாகமத்தில் இயேசு ஞாயிற்றுக்கிழமையில் உயிர்த்தெழுந்தார் என்று சொல்லப்பட்டுள்ளது. (மாற்கு 16:9)

அப்படியானால், வாரத்தின் எந்த கிழமை ஓய்வுநாள்? ஓய்வுநாள் சனிக்கிழமையாகும். கத்தோலிக்க புத்தகங்களும் ஓய்வுநாள் சனிக்கிழமை என்று சாட்சியளிக்கின்றன.

"நாம் ஒருபோதும் பரிசுத்தம் செய்திராத சனிக்கிழமை மத ஆசரிப்பைதான் வேதவாக்கியங்கள் வலியுறுத்துகின்றன”

இயேசுவும் கூட ஓய்வுநாளில்[சனிக்கிழமை] ஆராதனை செய்தார்.

“இயேசு. . .தம்முடைய வழக்கத்தின்படியே ஓய்வுநாளில்[சனிக்கிழமை] ஜெப ஆலயத்திலே பிரவேசித்து, வாசிக்க எழுந்து நின்றார்.” லூக் 4:16

இயேசு பரமேறிய பின், அப்போஸ்தலர் பவுலும் கூட ஓய்வுநாளில்[சனிக்கிழமை] ஆராதனை செய்தார்.

“பவுல் தன் வழக்கத்தின்படியே அவர்களிடத்தில் போய், மூன்று ஓய்வு நாட்களில் வேதவாக்கியங்களின் நியாயங்களை எடுத்து அவர்களுடனே சம்பாஷித்து,” அப் 17:2

இயேசுவும் அவருடைய சீஷர்களும் ஓய்வுநாளை[சனிக்கிழமை] ஆசரித்ததுப் போல, தேவனுடைய ஜனங்கள் தேவன் நியமித்த ஓய்வுநாளை [சனிக்கிழமை] ஆசரிக்க வேண்டும். தேவனுடைய சபை உலக சுவிசேஷ சங்கம் தேவனால் நியமிக்கப்பட்ட ஏழாம் நாளான ஓய்வுநாளை ஆசரிக்கிறது.