သမ္မာကျမ်းစာပါ ဥပုသ်နေ့ဟာ တစ်ပတ်ရဲ့ဘယ်နေ့ဖြစ်ပါသလဲ။

ဘုရားသခင်ဟာ သူ့ကိုယုံကြည်တဲ့သူတွေအတွက် ဝတ်ပြုကိုးကွယ်တဲ့နေ့ကို သတ်မှတ်ပေးခဲ့ပါတယ်။

“ဥပုသ်နေ့ကိုသန့်ရှင်းစေခြင်းငှာ၊ ထိုနေ့ရက်ကိုအောက်မေ့လော့။” ထွ ၂၀:၈

ဥပုသ်နေ့ဟာ ဘုရားသခင်နဲ့ သူ့ရဲ့လူမျိုးတွေကြားက လက္ခဏာသက်သေဖြစ်ပါတယ်။
အဲဒီနေ့ဟာ ဘုရားသခင်က သူ့ရဲ့လူမျိုးတွေကို သန့်ရှင်းစေတဲ့နေ့ဖြစ်ပါတယ်။ (ယေဇ ၂၀:၁၂)
ဒါကြောင့် ဘုရားသခင်ရဲ့လူမျိုးတွေဟာ ဝတ်ပြုရာနေ့အဖြစ် ဘုရားသခင်သတ်မှတ်ထားတဲ့ ဥပုသ်နေ့ကို စောင့်ရှောက်ရမှာဖြစ်ပါတယ်။

ဥပုသ်နေ့ဟာ ဘုရားသခင်က ကောင်းကင်နဲ့မြေကြီးကို ခြောက်ရက်အတွင်း ဖန်ဆင်းပြီးနောက် အနားယူခဲ့တဲ့ သတ္တမနေ့ဖြစ်ပါတယ်။ (က ၂:၃)
သတ္တမနေ့ဥပုသ်နေ့ဟာ ဘုရားသခင်ရဲ့ ဖန်ဆင်းခြင်းတန်ခိုးကို အထိမ်းအမှတ်ပြုတဲ့နေ့ ဖြစ်ပါတယ်။
ဒါဆိုရင်၊ သတ္တမနေ့ဟာ တစ်ပတ်ရဲ့ဘယ်နေ့ဖြစ်ပါသလဲ။

• တနင်္ဂနွေနေ့: ရက်သတ္တပတ်၏ ပထမနေ့
• စနေနေ့: ရက်သတ္တပတ်၏ သတ္တမနေ့

အဘိဓာန်မှာ သတ္တမနေ့ဟာ စနေနေ့ဖြစ်တယ်လို့ ဆိုထားပါတယ်။
ပြက္ခဒိန်ကိုကြည့်ရင်လည်း သတ္တမနေ့ဥပုသ်နေ့ဟာ စနေနေ့ဖြစ်ပါတယ်။

ဥပုသ်နေ့ပြီးနောက် ယေရှုခရစ် ရှင်ပြန်ထမြောက်ခဲ့ကြောင်းကို သမ္မာကျမ်းစာက မှတ်တမ်းတင်ထားပါတယ်။ (မာ ၁၆:၉)
တူညီတဲ့ကျမ်းပိုဒ်အတွက်၊ ပူးတွဲဘာသာပြန်ကျမ်းမှာ ယေရှုခရစ်ဟာ တနင်္ဂနွေနေ့မှာ ရှင်ပြန်ထမြောက်ခဲ့တယ်လို့ ပြောထားပါတယ်။ (မာ ၁၆:၉) ဒါဆိုရင်၊ ဥပုသ်နေ့ဟာ ရက်တ္တပတ်ရဲ့ဘယ်နေ့ဖြစ်ပါသလဲ။ ဥပုသ်နေ့ဟာ စနေနေ့ပဲဖြစ်ပါတယ်။

ဒါ့အပြင်၊ ကက်သလစ်ဘာသာမှာလည်း ဥပုသ်နေ့ဟာ စနေနေ့ဖြစ်တယ်လို့ သက်သေပြုထားပါတယ်။

သမ္မာကျမ်းစာသည် ကျွန်ုပ်တို့ မည်သည့်အခါတွင်မျှ သန့်ရှင်းစင်ကြယ်စေရန် ဆောက်တည်ခြင်းမရှိသော စနေနေ့တွင် ဝတ်ပြုကိုးကွယ်ရန် ပညတ်ထားပါသည်။

“ဥပုသ်နေ့ဟူသည်မှာ အနားယူခြင်းကိုဆိုလိုပြီး၊ ရက်သတ္တပတ်၏သတ္တမနေ့ စနေနေ့ဖြစ်သည်။”

ယေရှုခရစ်ဟာလည်း ဥပုသ်နေ့(စနေနေ့)မှာ ဝတ်ပြုခဲ့ပါတယ်။

ယေရှုသည် ... ထုံးစံတော်ရှိသည်အတိုင်း ဥပုသ်နေ့(စနေနေ့)၌ တရားဇရပ်သို့ဝင်၍ ... လု ၄:၁၆

ယေရှုခရစ် ကောင်းကင်တက်ကြွပြီးတဲ့နောက်၊ တမန်တော်ပေါလုဟာလည်း ဥပုသ်နေ့(စနေနေ့)မှာ ဝတ်ပြုကိုးကွယ်ခဲ့ပါတယ်။

ပေါလုသည် မိမိထုံးစံရှိသည်အတိုင်း ထိုဇရပ်သို့ ဝင်၍၊ ဥပုသ်နေ့သုံးရက်တွင် ကျမ်းစာကိုအမှီပြု၍ ထိုသူတို့နှင့် ဆွေးနွေးနှီးနှောသဖြင့်၊ တ ၁၇:၂

ယေရှုခရစ်နဲ့ တပည့်တော်တွေဟာ ဥပုသ်နေ့(စနေနေ့)ကို စောင့်ရှောက်ခဲ့သလိုမျိုး၊
ဘုရားသခင်ရဲ့လူမျိုးတွေဟာ ဘုရားသခင်ခန့်အပ်ထားတဲ့ ဥပုသ်နေ့(စနေနေ့)ကို စောင့်ရှောက်ရမှာဖြစ်ပါတယ်။
ဘုရားသခင်၏အသင်းတော် ကမ္ဘာ့ဧဝံဂေလိ သာသနာပြုအဖွဲ့အစည်းဟာ ဘုရားသခင်ခန့်အပ်ထားတဲ့ သတ္တမနေ့ဥပုသ်နေ့(စနေနေ့)မှာ ဝတ်ပြုကိုးကွယ်ပါတယ်။