Lelwapa la Legodimo le Thomo ya Efangedi

Se re se Tlhokang Pele gore Re Amogele Mowa o o Boitshepo ke go Tlhaloganya le go Amogela Modimo Yo O Tsileng mo Senameng

Mowa o o Boitshepo wa pula ya pele o ne wa fiwa ba ba amogetseng Modimo Yo O tsileng mo senameng mo Pakeng ya Morwa. Ka tsela e e tshwanang, Mowa o o Boitshepo wa pula ya letlhafula o fiwa ba ba amogelang Modimo Ahnsahnghong le Modimo Mmaetsho, ba ba tsileng mo senameng mo Pakeng ya Mowa o o Boitshepo, le ba ba amogelang mmele le madi a Modimo ka Tlolaganyo ya Kgolagano e Ntšha.

Kereke ya Modimo e Dumela mo Modimo Rraetsho le Modimo Mmaetsho

Fa Modimo a tlhola magodimo le lefatshe, O ne A ikaya A re “re.” Modimo O re rutile ka botsalano gareng ga moriti le nnete ya one, gore re na le lelwapa kwa Legodimong fela jaaka re na le lelwapa mo Lefatsheng. Mo baneng ba ba lemogileng poloko ya Modimo Rraetsho le Modimo Mmaetsho, Modimo gape O ba file thomo e e segofetseng ya go boloka lefatshe ka Mowa o o Boitshepo o A ba o neetseng.

Modimo wa fela o re: “A re direng batho ka fa setshwanong sa rona ba ba tshwanang le rona . . .” Jaanong Modimo wa tlhola batho ka fa setshwanong sa ona, wa ba tlhola ka fa setshwanong sa Modimo; wa ba tlhola e le monna le mosadi.
Genesi 1:26–27