Kalaisi Ahnsahnghong Naʻa Ne ʻOmi ʻa e ʻAkau ʻo e Moʻui

Naʻe Mate ʻa ʻĀtama mo ʻIvi Hili ʻEna Kai mei he ʻAkau ʻo e ʻIlo ʻo e Leleí mo e Kovi. ʻOku ʻi Ai nai ha Founga ke Na Moʻui Ai ʻo Taʻengata?

Ko e ‘akau ‘o e ʻIlo ʻo e lelei mo e kovi ‘oku ne ‘omi ‘a e mate, pea ʻoku ʻomi ʻe he ʻAkau ʻo e Moʻui ʻa e moʻui taʻengata.
ʻI he ngoue ‘o ʻĪteni naʻe kapusi ʻa ʻĀtama mo ʻIvi pea naʻa na mate koeʻuhi naʻa na kai mei he ʻAkau ʻo e ʻilo ʻo e lelei mo e kovi.
ʻOku fakahaaʻi ʻ e he hisitōlia ko eni ʻoku fakataumuʻa ʻa e faʻahinga ʻ o e tangata’ ke nau mate koeʻuhi naʻa nau faiangahala ʻi hevani.

Kuo Vete ʻe he ʻOtua ʻa e Palopalema Lahi Taha ʻa e Faʻahinga ʻo e Tangata, ʻa e Fakapulipuli ʻo e ʻAkau ʻo e Moʻui ʻi he Ngoue ‘o ʻĪteni

ʻI he taʻu ʻe uaafe kuo maliu atu’, naʻe hāʻele mai ʻa Sīsū ki he mamani ki hono fakamoʻui ʻo e faʻahinga ʻo e tangata.
Pea ʻi he kuonga ʻo e Laumālie Māʻoniʻoni, naʻe hāʻele mai ʻa Kalaisi Ahnsahnghong ki he mamani ʻo foaki mai kiate kitautolu ʻa e moʻui taʻengata ʻi he Pasova ʻo e fuakava foʻou, ʻa ia ko e moʻoni ʻo e ʻAkau ʻo e Moʻui.
ʻIkai ngata ai, ko Kalaisi Ahnsahnghong, ʻa ia naʻa ne ʻomi ʻa e ʻAkau ʻo e Moʻui, ko e Faleʻi ia ʻo Saione naʻe palofisaiʻi ʻi he tohi ʻa Maika.
Naʻa ne fakahā mai ko e fakamoʻui fakaʻosi ʻo e faʻahinga ʻo e tangata ʻoku makatuʻunga ia ʻi he ʻ Otua ko e Faʻee’.

Pea na‘e folofola ‘a Sihova ‘Elohimi; Vakai, kuo hoko ‘a e tangata ke hangē ko e toko taha ‘iate kitautolu, ke ne ‘ilo ‘a e lelei mo e kovi:
‘ē, na‘a ‘iloange te ne hanga ‘o toli foki mei he ‘Akau ‘o e Mo‘ui, ‘o ne kai, ‘o ne mo‘ui ‘o ta‘engata:
Senesi 3:22

Ko ia na‘e me‘a ai ‘a Sīsū kiate kinautolu, Ko au ē, ko au ē, ‘oku ou tala atu, Kapau kuo ‘ikai te mou kai ‘a e kakano ‘o e Fanautama ‘a Tangata, mo inu hono ta‘ata‘a, ‘oku ‘ikai te mou ma‘u mo‘ui ‘iate kimoutolu.
Ko ia ‘oku ne keina hoku kakano, mo inu hoku toto, ‘oku ne ma‘u ‘a e mo‘ui ta‘engata; . . .
Sione 6:53–54