ພະຄິດອັນຊັງໂຮງ ຜູ້ຊົງນໍາເອົາຕົ້ນໄມ້ແຫ່ງຊີວິດມາ

[ອາດາມ​ ແລະ​ ເອວາໄດ້ມີຄວາມ​ຕາຍ​ ຫຼັງ​ຈາກ​ກິນໝາກໄມ້​ຈາກ​ຕົ້ນ​ໄມ້​ທີ່ໃຫ້​ຮູ້​ຈັກ​ດີ ​ແລະ
​ຮູ້ຈັກ​ຊົ່ວ. ມີ​ວິທີທີ່ພວກ​ເຂົາຈະ​ມີ​ຊີວິດ​ຕະຫຼອດ​ໄປ​ບໍ?]

ຕົ້ນ​ໄມ້​ທີ່ໃຫ້​ຮູ້​ຈັກ​ດີແລະ​ຮູ້ຈັກ​ຊົ່ວນໍາໄປສູ່​ຄວາມຕາຍ ແລະ ຕົ້ນ​ໄມ້ທີ່ໃຫ້​ຊີ​ວິດ​ນຳມາເຊິ່ງ
​ຊີວິດນິລັນດອນ. ໃນ​ສວນ​ເອເດນນັ້ນ, ອາດາມ ​ແລະ ​ເອວາໄດ້​ຖືກ​ຂັບ​ໄລ່ອອກໄປ​ ແລະ
ຈົບລົງດ້ວຍຄວາມ​ຕາຍ​ ຍ້ອນພວກ​ເຂົາ​ໄດ້​ກິນ​ໝາກໄມ້ຈາກ​ຕົ້ນ​ໄມ້​ທີ່ໃຫ້​ຮູ້​ຈັກ​ດີແລະ​ຮູ້ຈັກ​ຊົ່ວ.
ປະຫວັດສາດ​ນີ້​ສະແດງ​ໃຫ້​ເຫັນ​ວ່າ ​ມະນຸດ​ຊາດ​ຖືກກໍານົດໃຫ້​ຕາຍ ​ຍ້ອນພວກ​ເຂົາ
ໄດ້​ເຮັດ​ບາບ​​ໃນ​ສະຫວັນ.

[ພະເຈົ້າໄດ້ຊົງ​ແກ້​ໄຂ​ບັນຫາ​ໃຫຍ່​ທີ່​ສຸດ​ຂອງ​ມະນຸດຊາດຄື ຄວາມ​ລັບ​ຂອງ​ຕົ້ນ​ໄມ້​ແຫ່ງ​ຊີວິດ ​ໃນ​ສວນ​ເອເດນ]

ສອງພັນປີກ່ອນ, ພະເຢຊູໄດ້ສະເດັດມາຍັງໂລກນີ້ ເພື່ອຄວາມພົ້ນຂອງມະນຸດ ແລະ
ໃນສະໄໝພະວິນຍານບໍລິສຸດ, ພະຄິດ ພະອັນຊັງໂຮງໄດ້ສະເດັດມາສູ່ໂລກນີ້ ແລະ
ໄດ້ປະທານຊີວິດນິລັນດອນແກ່ພວກເຮົາ ໂດຍຜ່ານປັດສະຄາແຫ່ງຄໍາໝັ້ນສັນຍາໃໝ່
ເຊິ່ງເປັນຕົວຈິງຂອງຕົ້ນໄມ້ແຫ່ງຊີວິດ.
ຍິ່ງ​ໄປ​ກວ່າ​ນັ້ນ, ພະຄິດ ພະອັນຊັງໂຮງ ຜູ້​ຊົງ​ນໍາ​ເອົາ​ຕົ້ນ​ໄມ້​ແຫ່ງ​ຊີ​ວິດມາ ແມ່ນຜູ້​ປຶກ​ສາ
​ຂອງ​ສີໂອນ ທີ່​ໄດ້​ທໍາ​ນວາຍ​ໄວ້​ໃນປຶ້ມ ​ມີກາ. ພະອົງຊົງ​ບອກ​ໃຫ້ພວກ​ເຮົາ​ຮູ້​ວ່າ ​ຄວາມພົ້ນ
​ສຸດ​ທ້າຍ​ຂອງ​ມະນຸດ​ແມ່ນ​ຂຶ້ນ​ຢູ່​ກັບ​ພະເຈົ້າພະມານດາ.

ແລ້ວພະເຈົ້າແຫ່ງຈັກກະວານກໍກ່າວວ່າ “ບັດນີ້ ມະນຸດໄດ້ກາຍເປັນເໝືອນຜູ້ໜຶ່ງຢູ່ໃນເຮົາ ແລະ
ທັງຮູ້ຈັກດີ ແລະ ຮູ້ຈັກຊົ່ວ. ເຮົາຈະບໍ່ອະນຸຍາດໃຫ້ພວກເຂົາເອົາໝາກໄມ້ຈາກຕົ້ນທີ່ໃຫ້ຊີວິດ 
ກິນໝາກໄມ້ນັ້ນ ແລະ ມີຊີວິດຕະຫຼອດໄປ”.
ປະຖົມມະການ 3:22

ພະເຢຊູໄດ້ກ່າວຕໍ່ພວກເຂົາວ່າ “ເຮົາບອກພວກທ່ານຕາມຄວາມຈິງວ່າ:
ຖ້າພວກທ່ານບໍ່ກິນເນືອກາຍຂອງບຸດມະນຸດ ແລະ ດື່ມເລືອດຂອງເພິ່ນແລ້ວ ພວກທ່ານກໍຈະບໍ່ມີຊີວິດໃນພວກທ່ານເອງ. ຜູ້ທີ່ກິນເນື້ອກາຍຂອງເຮົາ ແລະ ດື່ມເລືອດຂອງເຮົາກໍມີຊີວິດອັນຕະຫຼອດໄປເປັນນິດ...
ໂຢຮັນ 6:53-54