U Khrist Ahnsahnghong Uba La Wallam ia U Dieng ka Jingim

U Adam bad Ka Im Ki La Iap Hadien ba Ki La Bam Na U Dieng ka Jingtip Ia Kaba Bha bad Ia Kaba Sniew. Hato Ka Don ka Lynti ia Ki ban Im Junom?

U dieng ka jingtip ia kaba bha bad ia kaba sniew ka pynlong ka jingiap, bad u dieng ka jingim ka wallam ka jingim bymjukut.
Ha ka Kper Eden, U Adam bad Ka Im ki la shah beh noh bad ki la iap
namar ki la bam na u dieng ka jingtip ia kaba bha bad ia kaba sniew.
Kane ka jingiathuhkhana ka pyni ba u bynriew u la rem ban iap namar ki la leh pop ha bneng.

U Blei U La Plied Ia Ka Jingeh Bakhraw Tam jong U Khun Bynriew, ka Jingmaian jong U Dieng Ka Jingim ha ka Kper Eden

2,000 snem mynshuwa, U Jisu u la wan sha ka pyrthei na ka bynta ka jingpynim u bynriew,
bad ha ka ïa jong U Mynsiem Bakhuid, U Khrist Ahnsahnghong u la wan sha kane ka khyndew,
bad U la ai ia ngi ka jingim bymjukut lyngba Ka Niam ka Jinglait jong ka jutang bathymmai,
kaba long ka jingshisha jong u dieng ka jingim.
Shuh shuh, U Khrist Ahnsahnghong, uba la wallam ia u dieng ka jingim,
u dei U Nongsylla jong ka Seion ba la iathuhlypa ha ka kitab U Mikah.
U la pyntip ia ngi ba ka jingpynim bakhadduh jong u bynriew ka shong ha Ka Blei Ka Kmie.

U Trai uba U Blei u la ong ruh, “Ha khmih, uta u briew u la wan long kum uwei na ngi hi, kat ban tip ia kaba bha bad ia kaba sniew: te mynta, ba ioh un kner ia la ka kti, bad shim ruh na u dieng ka jingim bad bam, bad im junom ruh de:”
Jenesis 3:22

Namar kata U Jisu u la iathuh ha ki, “Shisha, shisha nga ong ha phi, lymda phi bam ia ka doh jong U Khun u briew bad ba phi dih ia ka snam jong u, phim don ka jingim ha lade. Uno uno ruh uba bam ia ka doh jong nga bad ba dih ia ka snam jong nga, u don ka jingim bymjukut . . .”
Ioannis 6:53–54