Solomonni Tẃi, o Ha-o Jotoni Slái Phermung Kwrwikuk tei Hamsamungni Langma Tamo?
Solomon bó bebak khlainani muchungmano khlai kha, phiya ba páithago khe, bó, “bebakno chúk ya” hwnwi sa kha. Tei Alexander the Great suda, thwi khe jotono yak bukcha khe kiphilwi ma thángo hwnwi gosi kha. Aboni bagwino, chwng o hani srapsani khátungmungrok bai tei tongthokmungrok bai khá kochomjak thai kwrwi, hwnba Kaitorno kiriui tei Bini dagimungrokno tẃiwi se mol brúm brúm chuknohani bagwi kwthang tongnani nangnai. Siyan gwnang khe tongnani lama wng kha chwng chuknoha-o mol brúm khe tongthogwinai hwnmani a tongthokmungni bagwi kwthang tongnani se.
Khristo Ahnsahnghong bai Ama Kaitor Chwngno Mol Brúm Brúm Tongthokmungni bagwi Tamono Tiyar Khlainani Nangnai Abono Twẃi Phrwng Kha
Chwngno o ha-o poito gwnang khe tongwi tongrwnai tei chuknoha-o Kaitorni hamarirokno yachakrwnai abo hai chongmungrokno se bororok chongwi nanani nangnai. Kaitorni Mothani adongrok Sabat sal tei bisini kasnini terrokno tẃi lai-o tei chuknohani bagwi tei thwi phlai ya langmani bagwi kaham samungrokni bising tẃi khe Kaitorno chẃngsacha yapharo.
hadlwi tei uáisa hadlwi kha phina swkang tei Kaitor rwmani phola bini thani kiphilwi thángna swkang. Phrwngnaisa chúk ya, chúk súk ya; bebakno chúk ya hwnwi sa-o. Tabuk le bebakno khna bái laha; tamo khe kók páithak khe omo se, Kaitorno bórom khlaiwi kiriui tei bini dagima khnama bising tẃi se borokni bebak khlaithai khlaijago. Phrwngnaini 12:7–8, 13
- আগের তারিখ
- Mar 13, 2026
- সহানুভূতি
- 0
