जायफोर इसोरनि मानसिफोर आरो जायफ्रा नंङा

गोदान रदायनि फासखा फरब, जिउनि फरब जाय इसोरनि सैथो सुबुंफोरनि गेजेराव फाराग खालामो।

सुबुं माहारिनि बासायगिरि, इसोरा जोंनो फासखा फरबनि गेजेरजों फाफफोरनि निमाहा आरो जोबनाय गैयै सोरगोनि राइजोनि बोरफोरखौ होबाय आरो गोहोगोरा महरै फोसावबाय दि जाय सुबुंफोरा फासखा फरबखौ फालिगोन बिसोरखौ इसोरनि मानसिफोर महरै गनायनाय जागोन जाय सोरगोनि नोगोरारिथिखौ मोनगोन आरो बासायजानायखौ मोनगोन होन्नानै।

चार्च अफ ग’डआ इसोरनि इध्सा बायदियै गायसनजानाय फासखा फरबखौ फालियो।

जिसु जाय 2,000 बोसोर सिगां फैदोंमोन, लोगोसेयै बे जुगाव ख्रिष्ट आनसांहं आरो आइ इसोरआ जोंखौ जेब्लायबो फोरोंबाय थादोंदि फासखा फरबखौ फालियालासे खालि गावनि गुस्थिजोंल’ इसोरखौ गाबज्रिनाया मोनसे रोखा नंङै फोथायनायजों समान होन्नानै।
बिनि अनगायैबो, इसोरा बै सुबुंफोरनि थाखाय, जाय फासखा फरबखौ थिखानाय समाव फालिनो हायाखैमोन, नैथि फासखा फरबखौ होनायनि जाहोना बेनोदि फासखा फरबआ मोनसे जोबोरैनो गोनांथार फरब, जाय इसोरनि थार मानसिफोरखौ आलादा खालामो।

“बे नखाफोरनि जिब्रैनि दिनाव सान हाबनायजों लोगोसे इज्राएलनि रायथफ्रा फासखा फरब फालिनायनि गासै हुदाफोरखौ मानिनानै फासखा फरबखौ फालिदो।...
आन्थाइ रायथफोरनि गेजेराव गोथै दांनानै सुवा जानाय मानसिफोरबो दंमोन; बिसोरो बि दिनाव फासखानि फरबखौ फालिनो हायैखाय,...
फोरबुआ मसेनो बुंफिनबाय, “ ‘ ... फोरबुनि मुंङै बे फासखानि फरब फालिनो हागोन।
बिसोरो बिनि उननि नखाफोरनि जिब्रै दिननि मोनाबिलिआव बेखौ फालिथों;...
आन्थाइ...
फसंखानाय दिनाव बे फरबखौ फालियाब्ला, बिसोरखौ आंनि रायथफोरनि गेजेराव हमफा बावनाय नंङा,...’ “
बिसान बिजाब9:2-13

बिनिखायनो बिसोरनि मावनायफोरखौ नुनानैनो नोंसोरो बिसोरखौ मिथिगोन।
“आंखौ ‘अ फोरबु, अ फोरबु’ होनग्रा साफ्रोमबो सोरगोनि राइजोआव हाबनाय नंङा, आन्थाइ सोरगोआव थानाय आंनि आफानि गोसो बायदि खालामग्रायासो।
माथाइ 7:20-21