Ka Kmie Bahabneng bad ka Pyrthei jong ki Kambah

“Ka Kam Bakhraw Ka Paw Ha Manba Ngi Trei ia ka Kam Gospel Da ka Jingngeit ba 100% ha U Blei”

Haba ngi khmih bha ha ki kambah kiba la jia ha ka Juk U Kpa bad ha ka Juk U Khun kumno ba U Blei u la pyniakhlad ia ka Duriaw Basaw, pynlong ia ka nongbah Jerikho ban kyllon kram, bad pynsangeh ia ka sngi, ngi lah ban sngewthuh ba kiei kiei baroh la pyndep katkum ka ktien U Blei.

Ki Dkhot jong ka Balang U Blei Ki La Wallam Ki Kambah Wat Hapdeng ka Khlam ha ka Por Haba Ki Jingsniew bad Ki Jingpang Ki Nang Jyllei

U Blei Ahnsahnghong bad Ka Blei Ka Kmie ki la wan sha kane khyndew kum U Mynsiem bad Ka Nongleit kurim ha ka Juk U Mynsiem Bakhuid. Ha man ba ngi kohnguh ia ka ktien U Blei, da kaba ngeit ba ka kam gospel la pyndep da U Blei, ka kam gospel baphylla la leh wat ha kane ka khyllipmat.
(Ka jingiwbih ka Seion: Ka kam gospel kaba la pyndep hapoh saw bnai hadien ka jinglehniam ialap jong ka Pentekost)

Ynda kumta U Joshua u la kren ha U Trai ha kata ka sngi ba U Trai u la aiti noh ia ki Amor ha khmat ki khun Israel . . . “Ko sngi, to phan ieng thik ha Gibeon, ma me ruh, ko bnai, ha ka them Aijalon.” Te ka sngi ka la ieng thik, u bnai ruh u la sangeh, ha ban da u paidbah u la pynhiarkput halor ki nongshun . . .
[U Joshua 10:12‒13]

Te U Moses u la kner ia la ka kti halor kata ka duriaw, bad U Trai u la pynphai pat ia kata ka duriaw da ka lyer mihngi kaba jur ha kata baroh shimiet, bad u la pynrngad ia ka duriaw, ia kita ki um ruh la pyniakhlad.
[Eksodos 14:21]

Te ynda u la wai noh kaba kren, u la ong ha U Simon, To ñiat noh sha kaba jylliew, to pynhiar ruh ia ki jar jong phi ban dup ngat.” . . . “Ko Kynrad, ngi la ialeh shitom baroh shimiet, te ei ei ruh em ngim shym la ngat: hynrei namar ka ktien jong me, ngan pynhiar ia ki jar.” Kumta ynda ki la lah leh ia kane, ki la ngat bun bah eh ki dohkha: ki jar jong ki te ki la sdang kad.
[Loukas 5:4‒6]