Kita Kibym Ithuh ia la ka Kti Kamon na la ka Kti Kadiang

Ki dkhot ka Balang U Blei ki kyrsiew ia ka pyrthei da ki hukum U Blei

Ki shispah arphew hajar ngut ki briew jong ka Ninebeh,
kibym lah ban pyniapher ia kamon na kadiang, ki la shahshkor sha U Jonah
haba u ialap sha ki ha ka jingkohnguh ia ka hukum U Blei,
bad ki baroh ki la kylla kaba mut. Ha kane ka juk ruh, ngi dei ban ialap ia ka Jutang
Bathymmai ka Niam ka jinglait―ka jingshisha jong ka jingpynim bad ka jingmap
ki pop―sha baroh ki briew kibym sngewthuh ia ki aiñ U Blei.

Ka Jutang Bathymmai ka Niam ka jinglait, ka shap ka jingpynim na ki jingiapthem

Kumba ki ïing ba la kyllan ia ka snam u khun langbrot ka Jinglait
ha ki jingkhang ki ïing jong ki ki la laitim na ka jingiapthem ha ka por U Moses,
kita kiba iashim bynta ha ka met bad ka snam U Jisu Khrist
lyngba u kpu bad ka waiñ jong ka Niam ka jinglait ki lah ban iohpdiang
ia ka shap jong ka jingpynim ha ki por jong ka Testament Bathymmai.

U Khrist Ahnsahnghong u la phla ia ka Jutang Bathymmai ka Niam ka jinglait.
U long U Blei uba la wan biang ban map ia ki pop jong ki khun bynriew
ha ki sngi kiba khadduh, katba kum ki jingiathuhlypa jong ka Baibl.

“Ha khmih, ki sngi kin poi,” ong U Trai,
“ba ngan thaw ia ka jutang bathymmai
bad ka ïing Israel bad ka ïing Judah ruh . . .
ngan map ia ka jingbymhok jong ki,
bad ngan ym kynmaw shuh ia ka pop jong ki.” U Jeremaiah 31:31–34