ពួកអ្នកដែលមិនស្គាល់ស្តាំ មិនស្គាល់ឆ្វេងសោះ

សមាជិកពួកជំនុំនៃព្រះ ដាស់ពិភពលោកតាមរយៈច្បាប់របស់ព្រះ

ប្រជាជនក្រុងនីនីវេជាង១សែន២ម៉ឺននាក់ដែលមិនស្គាល់ស្តាំមិនស្គាល់ឆ្វេងសោះ
បានស្តាប់យ៉ូណាសដែលផ្សព្វផ្សាយដល់ពួកគេ ដោយទទួលការបង្គាប់របស់ព្រះ
ហើយពួកគេទាំងអស់បានប្រែចិត្ត។ នៅជំនាន់នេះ ក៏ដូចគ្នាដែរ
យើងត្រូវតែផ្សព្វផ្សាយបុណ្យរំលងសញ្ញាថ្មី ជាសេចក្តីពិតនៃសេចក្តីសង្គ្រោះ
និងការផ្តាច់បាប ដល់មនុស្សទាំងអស់ ដែលមិនបានយល់ពីច្បាប់របស់ព្រះ។

បុណ្យរំលងសញ្ញាថ្មី, ត្រានៃសេចក្តីសង្គ្រោះពីសេចក្តីវេទនា

ដូចជានៅជំនាន់ម៉ូសេ អស់ទាំងផ្ទះណាដែលបានលាបឈាមកូនចៀមបុណ្យរំលង
សុទ្ធតែបានសង្គ្រោះ ពីសេចក្តីវេទនា ដូច្នេះនៅជំនាន់សញ្ញាថ្មី អស់អ្នកណាដែលចូលរួមក្នុងសាច់
និងឈាមរបស់ព្រះយេស៊ូវគ្រីស្ទ តាមរយៈនំប៉័ង និងស្រាទំពាំងបាយជូរ
នៃបុណ្យរំលង ក៏អាចទទួលត្រានៃសេចក្តីសង្គ្រោះដូចគ្នាដែរ។

ព្រះអាន់សាំងហុងបានធ្វើបន្ទាល់ពីបុណ្យរំលងសញ្ញាថ្មី
ទ្រង់គឺជាព្រះដែលបានយាងមកម្តងទៀត ដើម្បីអត់ទោសបាបរបស់មនុស្សជាតិ
នៅជំនាន់ចុងក្រោយ យោងតាមទំនាយនៃព្រះគម្ពីរ។

ព្រះយេហូវ៉ាទ្រង់មានព្រះបន្ទូលថានឹងមានគ្រាមកដល់
ដែលអញនឹងតាំងសញ្ញាថ្មីនឹងពួកវង្សអ៊ីស្រាអែលហើយនឹងពួកវង្សយូដា
… ព្រោះអញនឹងអត់ទោសចំពោះអំពើទុច្ចរិតរបស់គេ
ហើយនឹងលែងនឹកចាំពីអំពើបាបគេទៀតជាដរាបទៅ យេរេមា ៣១:៣១-៣៤