ဆုတောင်းခြင်းအသက်တာနှင့် နောင်တရခြင်း

တံပိုးမှုတ်ပွဲမှ အပြစ်ဖြေရာနေ့အထိ ပြုလုပ်သော ဆုတောင်းအပတ်သည် ကျွန်ုပ်တို့ ကိုယ့်ကိုယ်ကိုယ် ဆန်းစစ်ရန် အချိန်ဖြစ်သည်

ဘုရားသခင်၏အသင်းတော်က စောင့်ရှောက်နေတဲ့ တံပိုးမှုတ်ပွဲနဲ့ ဆယ်ရက်တာဆုတောင်းခြင်းဟာ လွန်ခဲ့တဲ့တစ်နှစ်အတွင်း ကျွန်တော်တို့ ကျူးလွန်ခဲ့တဲ့အပြစ်အားလုံးကို ဝန်ခံပြီး နောင်တရရမယ့်အချိန် ဖြစ်ပါတယ်။ ဒါကြောင့် ဘုရားသခင်ရဲ့လူမျိုးတွေဟာ ဆုတောင်းခြင်းကနေတစ်ဆင့် ပြည့်ဝစုံလင်တဲ့နောင်တကို ရခြင်းအားဖြင့် အပြစ်ဖြေရာနေ့အတွက် ပြင်ဆင်ထားကြရမှာ ဖြစ်ပါတယ်။

ဆုမတောင်းခြင်းသည် ဝိညာဉ်ရေးရာ အသက်မရှူခြင်းဖြစ်သည်

ဝိညာဉ်ရဲ့အသက်ရှူခြင်းဖြစ်တဲ့ ဆုတောင်းခြင်း ရပ်တန့်သွားတဲ့အခါ၊ အရမ်းကို နာကျင်ခံစားရပါတယ်။ လွန်ခဲ့တဲ့နှစ်ပေါင်း (၂,၀၀၀)က ကြွလာခဲ့တဲ့ ယေရှုခရစ်နဲ့ သန့်ရှင်းသောဝိညာဉ်တော်ခေတ်မှာ ကြွလာတဲ့ ခရစ်တော်အန်ဆန်ဟုန်းနဲ့ အမေဘုရားသခင်ဟာ "တောင်းကြလော့၊ ရှာကြလော့၊ တံခါးကို ခေါက်ကြလော့"လို့ ပြောခြင်းအားဖြင့် ဆုတောင်းခြင်းရဲ့တန်ခိုးကို သင်ပေးခဲ့ပြီး၊ ဆုတောင်းခြင်းအားဖြင့် ဧဝံဂေလိလမ်းကို လျှောက်ခဲ့တဲ့ ပုံသက်သေကို ကျွန်တော်တို့ဆီ ပြသခဲ့ပါတယ်။

“တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။ တောင်းသောသူမည်သည်ကား ရ၏။ ရှာသောသူလည်း တွေ့၏။ ခေါက်သောသူအားလည်း တံခါးကိုဖွင့်၏။ ထိုမျှမက ကောင်းကင်ဘုံ၌ ရှိတော်မူသော သင်တို့အဘသည် ဆုတောင်းသောသူတို့အား သန့်ရှင်းသောဝိညာဉ်တော်ကို သာ၍ ပေးတော်မူမည် မဟုတ်လောဟု မိန့်တော်မူ၏။”
ရှင်မဿဲခရစ်ဝင် ၇:၇-၁၁