ဘုရားသခင်၏နာမနှင့် သန့်ရှင်းသောဝိညာဉ်တော်ခေတ်

[အကျပ်အတည်းကာလတွင် ကျွန်ုပ်တို့ကို ကူညီသည့် သန့်ရှင်းသောဝိညာဉ်တော်ခေတ်၌ ဘုရားသခင်၏နာမသည် ဘာဖြစ်ပါသနည်း။]

ကျွန်တော်တို့ဟာ ဘဝတစ်လျှောက်လုံးမှာ ခက်ခဲတဲ့အခြေအနေအမျိုးမျိုးကို ရင်ဆိုင်ရကြပါတယ်။ ဒီလို အကျပ်အတည်းကာလမှာ ခမည်းတော်ခေတ်က ယုံကြည်ခြင်းဘိုးဘေးတွေဟာ ယေဟောဝါဘုရားသခင်ကို ခေါ်ခဲ့ကြပြီးတော့ ကယ်တင်ခံရခဲ့ပြီး၊ သားတော်ခေတ်က သန့်ရှင်းသူတွေဟာ ယေရှုခရစ်ရဲ့နာမကိုခေါ်ပြီး ကယ်တင်ခြင်းရခဲ့ပြီး၊ သန့်ရှင်းသောဝိညာဉ်တော်ခေတ်မှာ ကျွန်တော်တို့ဟာ ခရစ်တော်အန်ဆန်ဟုန်းနဲ့ အမေဘုရားသခင်ကို‌ခေါ်ပြီး ကယ်တင်ခြင်းခံရဖို့ တောင်းဆိုရမှာဖြစ်ပါတယ်။

[ကယ်တင်ခြင်းနှင့် အပြစ်ခွင့်လွှတ်ခြင်းကတိတော်ပါရှိသည့် ခမည်းတော်၊ သားတော်နှင့် သန့်ရှင်းသောဝိညာဉ်တော်၏နာမကို သိပါသလား။]

ဘုရားသခင်ဟာ သူ့ရဲ့နာမကိုသိတဲ့သူတွေဟာ သူ့ရဲ့စစ်မှန်တဲ့လူမျိုးတွေဖြစ်ပြီး ကယ်တင်ခြင်းရဲ့ပထမခြေလှမ်းဖြစ်တဲ့ ဗတ္တိဇံကို ခမည်းတော်၊ သားတော်၊ သန့်ရှင်းသောဝိညာဉ်တော်ရဲ့နာမနဲ့ ပေးဖို့မိန့်တော်မူခဲ့ပါတယ်။ ဒီနေ့ခေတ်မှာ၊ ဘုရားသခင်၏အသင်းတော် ကမ္ဘာ့ဧဝံဂေလိသာသနာပြုအဖွဲ့အစည်းကပဲ ကယ်တင်ခြင်းနဲ့ အပြစ်ခွင့်လွှတ်ခြင်းကတိတော်ပါရှိတဲ့ သန့်ရှင်းသောဝိညာဉ်တော် ခရစ်တော်အန်ဆန်ဟုန်းရဲ့နာမနဲ့ ဗတ္တိဇံပေးပါတယ်။

အရှင်ထာဝရဘုရား မိန့်တော်မူသည်ကား၊ . . . သို့ဖြစ်၍၊ ငါ၏လူတို့သည် ငါ့ကိုသိကြလိမ့်မည်။ [မြန်မာ့စံမီသမ္မာကျမ်း-ငါ့​နာမ​ကို​သိ​ကြ​ရ​မည်​။] ကတိထားသောသူကား၊ ငါဖြစ်သည်ကို အချိန်ရောက်မှ သိကြလိမ့်မည်။ အကယ်စင်စစ်ငါရှိသည်ဟု ထာဝရဘုရားမိန့်တော်မူ၏။
ဟေရှာယအနာဂတ္တိကျမ်း ၅၂:၄-၆

အကြင်သူသည် အောင်မြင်၏။ ထိုသူကို ငါသည် ငါ၏ဘုရားသခင့်ဗိမာန်တော်၌ တိုင်ဖြစ်စေမည်။ . . . ငါ၏ဘုရားသခင့်နာမတော်ကိုလည်းကောင်း၊ . . . ယေရုရှလင်မြို့သစ်တည်းဟူသော၊ ငါ၏ဘုရားသခင့်မြို့တော်၏ နာမကိုလည်းကောင်း၊ ငါ၏ နာမသစ်ကိုလည်းကောင်း၊ ထိုသူအပေါ်၌ ငါသည် အက္ခရာတင်မည်။
ဗျာဒိတ်ကျမ်း ၃:၁၂