Ko e Pasova mo e Ngaahi Fekau ʻa e ʻOtua

Ko e hā ʻoku akoʻi ai ʻe Kalaisi Ahnsahnghong
mo e ʻOtua ko e Faʻee՛ ʻoku mahuʻinga
ʻa e ngaahi fekau ʻa e ʻOtua?

ʻOku mahuʻinga ange ʻa e tauhisipí ʻi ha
tuʻi ki ha sipi hē, pea ʻoku mahuʻinga
ange ʻa e vaí ʻi he koula ʻi he toafa.
ʻE fakahā ʻa e mahuʻinga ʻo e ngaahi
fekau ʻa e ʻOtua ʻi he taimi ʻe tuʻu ai
ʻa e faʻahinga ʻo e tangata ʻi he ʻao
ʻo e fakamaauʻanga ʻa e ʻOtua.
Ko hono ‘uhinga he ʻoku fakapapauʻi
ʻa hevani mo heli ʻo makatuʻunga pe
kuo tauhi ʻe ha taha ʻa e ngaahi fekau
ʻa e ʻOtua pe ʻikai.

Ko e Hā ʻOku Tauhi Ai ʻe he Siasi
ʻo e ʻOtua ʻa e Pasova, ko e Fekau ʻa e ʻOtua?

Koeʻuhí ko e puleʻanga ʻo hevani ko ha
feituʻu ia he ʻikai lava ke hū ki ai
ʻa e kau angahala, ʻoku mahuʻinga leva
ke nau maʻu ‘a e fakamolemole ʻo
ʻenau ngaahi angahala.
Kuo palōmesi mai ʻe he ʻOtua ʻa e
fakamolemole angahala ʻi he taʻataʻa
mahuʻinga ʻo Kalaisí fakafou ʻi he
Pāsova ‘o e fuakava foʻou.
Ko ia ai, hangē ko Tēvita, kuo pau
ke maʻu ʻe he faʻahinga ʻo e tangata
ʻa e tui ki he talaʻofa ʻa e ʻOtua mo
ʻofa ʻi Heʻene ngaahi fekau.

Ko ia ai, ‘oku ou ‘ofa ki ho‘o ‘ū tu‘utu‘uni,
‘O lahi ‘i he koula, ‘io, ‘i he koula fungani. . . .
Sāme 119:127

‘Oku pehē ‘e he Tangata‘eiki, ‘oku ofi
hoku taimi, ka u fai ‘i ho fale ‘a e
Pāsova mo ‘eku kau ako.
Pea na‘e fai ‘e he kau ako, ‘o hangē ko e
tu‘utu‘uni kinaua ‘e Sīsū, ‘o na teuteu ‘a e Pāsova.
. . . Mou inu kotoa pē mei ai; he ko
hoku toto ‘eni ko e toto fuakava, ‘a ia
‘oku lilingi koe‘uhi ko e tokolahi ke
lava ai ‘a e fakamolemole angahala.
Matiu 26:18–28