Ka Sngi Ka Jingmihpat bad Ka Jingpyndep Jong Ka

Kaei Ka Jingkhawai Niam ia Kaba U Blei u la Pynjot ia ka Bor jong ka Jingiap, da Kaba Ai Ia Ngi ka Jingkyrmen ia ka Jingmihpat?

Katkum ka jingiathuhlypa jong ka Jingkhawai Niam ki Soh Nyngkong, U Jisu u la mihpat ha ka sngi Sunday kum u soh nyngkong na kita kiba la iohthiah noh. Ka sngi ba U la pynjot ia ka bor jong ka jingiap, da kaba ai ia ki bynriew ka jingkyrmen ia ka jingmihpat, ka dei ka Sngi ka Jingmihpat.

Ka Balang U Blei Kaba Kdiah ia U Kpu ka Jingmihpat Kaba Plie ia Ki Khmat Bakynja Mynsiem jong Ngi

U Blei Ahnsahnghong bad Ka Kmie Bahabneng ki la wan sha ka khyndew ban ai ia ki khun bynriew ia ka jingkyrmen ia ka jingmihpat bad ban pyniohpat ia ka dur ki angel.
Da kaba bud ia ki jinghikai jong ka Baibl, ki bynriew ki dei ban buh ia ka Sngi ka Jingmihpat ha ka sngi Sunday da kaba kdiah kpu, ym ki pylleng, ban plie ia ki khmat bakynja mynsiem jong ngi.

Hynrei mynta ia U Khrist la pynmihpat na kiba iap, bad u la jia long u soh nyngkong kein na kita kiba la iohthiah noh. 1 Sha Ki Nong Korinth 15:20

Namar lada ngi ngeit ba U Jisu u la iap bad ba u la mihpat . . . kita kiba iap ha U Khrist kin iamihpat shuwa. Ynda kumta ma ngi kiba dang im, ia kiba la pynsah, yn rong noh ia ngi lem bad ki ha ki lyoh, ia kaban iashem ia U Trai ha ka suin bneng. 1 Sha Ki Thessaloni 4:14–17