ເທດສະການວັນຄືນພະຊົນ ແລະ ການສຳເລັດຄຳທຳນວາຍ

[ເທດສະການຫຍັງ ທີ່ພະເຈົ້າຊົງທຳລາຍອຳນາດແຫ່ງຄວາມຕາຍ
ໂດຍຊົງປະທານຄວາມຫວັງ ສຳລັບການເປັນຄືນມາສູ່ຊີວິດແກ່ພວກເຮົາ?]

ອີງຕາມຄຳທຳນວາຍຂອງເທດສະການວັນແຫ່ງຜົນຜະລິດເທື່ອທຳອິດ, ພະເຢຊູໄດ້ຊົງຄືນພະຊົນໃນວັນອາທິດ ເປັນຜົນແຮກຂອງບັນດາຜູ້ທີ່ໄດ້ລ່ວງຫຼັບໄປແລ້ວ. ມື້ທີ່ພະອົງໄດ້ຊົງທຳລາຍອຳນາດແຫ່ງຄວາມຕາຍ ໂດຍຊົງປະທານຄວາມຫວັງ ສຳລັບການເປັນຄືນມາສູ່ຊີວິດແກ່ມະນຸດຊາດ ແມ່ນວັນຄືນພະຊົນ.

[ຄິດສະຕະຈັກຂອງພະເຈົ້າ ທີ່ຫັກເຂົ້າຈີ່ແຫ່ງວັນຄືນພະຊົນ ເຊິ່ງເປີດຕາແຫ່ງຈິດວິນຍານ]

ພະອັນຊັງໂຮງ ແລະ ພະມານດາແຫ່ງສະຫວັນ ໄດ້ຊົງສະເດັດມາສູ່ໂລກນີ້ ເພື່ອປະທານຄວາມຫວັງ ສຳລັບການເປັນຄືນມາສູ່ຊີວິດແກ່ມະນຸດຊາດ ແລະ ເພື່ອຟື້ນຟູສະພາບແຫ່ງທູດສະຫວັນຂອງພວກເຮົາ.
ອີງຕາມຄຳສອນຂອງພະຄຳພີ, ເພື່ອເປີດຕາແຫ່ງຈິດວິນຍານ
ມະນຸດຊາດຕ້ອງຕ້ອງປະຕິບັດຕາມວັນຄືນພະຊົນ ໃນວັນອາທິດ ດ້ວຍການຫັກເຂົ້າຈີ່, ບໍ່ແມ່ນໄຂ່່.

ແຕ່ຄວາມຈິງມີຢູ່ວ່າ ພະຄິດໄດ້ເປັນຄືນມາຈາກຕາຍແທ້ ໂດຍເປັນຫຼັກປະກັນວ່າ ບັນດາຄົນທີ່ຕາຍໄປນັ້ນ ຈະເປັນຄືນມາຄືກັນ. (ຊົງເປັນຜົນແຮກ ໃນພວກຄົນທັງຫຼາຍທີ່ໄດ້ລ່ວງຫຼັບໄປແລ້ວນັ້ນ, TH1971) [1 ໂກລິນໂທ 15:20]

ພວກເຮົາໄດ້ເຊື່ອວ່າ ພະເຢຊູໄດ້ຕາຍໄປ ແລະ ໄດ້ເປັນຄືນມາແລ້ວ... ພວກເຊື່ອຖືໃນພະຄິດ ທີ່ຕາຍໄປແລ້ວກໍຈະເປັນຄືນມາສູ່ຊີວິດກ່ອນ; ແລ້ວພວກເຮົາຜູ້ທີ່ຍັງເປັນຢູ່ໃນເວລານັ້ນ ກໍຈະຖືກຮັບຂຶ້ນໄປໃນເມກ ຮ່ວມກັບພວກເຂົາ ເພື່ອພົບກັບພະຜູ້ເປັນເຈົ້າໃນຟ້າອາກາດ. ດັ່ງນັ້ນແຫຼະ ພວກເຮົາຈຶ່ງຈະຢູ່ກັບພະຜູ້ເປັນເຈົ້າເລື້ອຍໄປ. [1 ເທຊະໂລນິກ 4:14-17]