ຄວາມໝາຍຂອງວັນຄືນພະຊົນ

[ຄິດສະຕະຈັກຂອງພະເຈົ້າ ປະຕິບັດຕາມມື້ພະ
ແລະ ວັນຄືນພະຊົນ ຕາມພະປະສົງຂອງພະເຈົ້າ]

ວັນແຫ່ງຜົນຜະລິດເທື່ອທຳອິດ ທີ່ໄດ້ສະຫຼອງ ໃນພັນທະສັນຍາເດີມນັ້ນ ເປັນເງົາ
ແລະ ວັນຄືນພະຊົນ ແຫ່ງຄຳໝັ້ນສັນຍາໃໝ່ນັ້ນ ເປັນຄວາມຈິງ.

ພະເຢຊູຄິດໄດ້ຊົງຄືນພະຊົນໃນຮຸ່ງເຊົ້າຂອງມື້ໃໝ່ຫຼັງຈາກມື້ພະ
ເຊິ່ງກໍ່ຄື ວັນອາທິດ ດັ່ງຜົນຜະລິດເທື່ອທຳອິດຂອງບັນດາຜູ້ທີ່ລ່ວງຫຼັບໄປແລ້ວ
ເພື່ອສຳເລັດຕາມຄຳທຳນວາຍຂອງ ເທດສະການວັນແຫ່ງຜົນຜະລິດເທື່ອທຳອິດ.

ເຫດສະນັ້ນ, ແມ່ນພະປະສົງຂອງພະເຈົ້າ ທີ່ພວກເຮົາປະຕິບັດຕາມມື້ພະ (ວັນເສົາ)
ເຊິ່ງເປັນເທດສະການປະຈຳອາທິດ ແລະ ວັນຄືນພະຊົນ ເຊິ່ງເປັນເທດສະການປະຈຳປີ.

[ພະເຈົ້າ ພະອັນຊັງໂຮງ ຜູ້ຊົງສອນພວກເຮົາ
ເຖິງຄວາມໝາຍທີ່ແທ້ຈິງ ຂອງວັນຄືນພະຊົນ]

ຊາຕານໄດ້ວາງມະນຸດຊາດທັງຫຼາຍ ຢູ່ພາຍໃຕ້ໂສ້ແຫ່ງຄວາມຕາຍ
ໂດຍເຮັດໃຫ້ພວກເຂົາປະເຊີນກັບ ຄວາມເຈັບປວດແຫ່ງຄວາມຕາຍ;
ເຖິງຢ່າງໃດກໍ່ຕາມ, ພະເຢຊູຄິດໄດ້ຊົງສະເດັດມາສູ່ໂລກນີ້
ໂດຍຊົງທຳລາຍອຳນາດແຫ່ງຄວາມຕາຍ ແລະ ຊົງນຳພາປະຊາຊົນ
ໄປສູ່ຄວາມຈິງ ໄປສູ່ຊີວິດນິລັນ ໂດຍຜ່ານວັນຄືນພະຊົນ.

ປັດຈຸບັນນີ້, ສະມາຊິກຄິດສະຕະຈັກຂອງພະເຈົ້າ
ບໍ່ໄດ້ປະຕິບັດຕາມປະເພນີຂອງພວກນອກສາສະໜາໃນການແບ່ງປັນໄຂ່,
ແຕ່ໄດ້ຫັກເຂົ້າຈີ່ທີ່ເປີດຕາແຫ່ງຈິດວິນຍານຂອງພວກເຮົາ
ໂດຍຕິດຕາມແບບຢ່າງຂອງພະເຢຊູຄິດ.

“ແຕ່ຄວາມຈິງມີຢູ່ວ່າ ພະຄິດໄດ້ເປັນຄືນມາຈາກຕາຍແທ້ ໂດຍເປັນຫຼັກປະກັນວ່າ ບັນດາຄົນທີ່ຕາຍໄປນັ້ນ ຈະເປັນຄືນມາຄືກັນ... ມະນຸດທຸກຄົນຈະເປັນຄືນມາຈາກຕາຍຍ້ອນການຮ່ວມເຂົ້າກັບພະຄິດສັນນັ້ນ. 1ໂກລິນໂທ 15:20–22