पुनरुत्थानको चाडको अर्थ

[परमेश्वरको इच्छाअनुसार शबाथ-दिन र पुनरुत्थानको चाड मान्ने परमेश्वरको मण्डली]

पुरानो करारको मोशाको समयमा मनाइएको अगौटे फलको चाड छाया थियो भने,
नयाँ करारको पुनरुत्थानको चाडचाहिँ त्यसको वास्तविकता हो ।
येशू ख्रीष्टले शबाथ-दिनको भोलिपल्ट आइतबारको दिनमा सुतिजानेहरूमध्येमा
प्रथम फलको रूपमा पुनरुत्थान हुनुभएर अगौटे फलको चाडको अगमवाणी पूरा गर्नुभयो ।
यसकारण हामीले साप्ताहिक चाडको रूपमा शबाथ-दिन शनिबारमा मान्नु र
वार्षिक चाडको रूपमा पुनरुत्थानको चाड मान्नु परमेश्वरको इच्छा हो ।

[पुनरुत्थानको चाडको साँचो अर्थ थाहा दिनुभएका आन साङ होङ परमेश्वर]

शैतानले मानव-जातिलाई मृत्युको साङ्‌लोमा बाँधिएर मृत्युको पीडा भोग्नुपर्ने गराएको भए पनि
येशू ख्रीष्टले यस पृथ्वीमा आउनुभएर मृत्युको साङ्‌लो तोडिदिनुभयो,
अनि पुनरुत्थानको चाडद्वारा मानव-जातिलाई अनन्त जीवनको सत्यतामा डोऱ्याउनुभयो ।
वर्तमान समयमा परमेश्वरको मण्डलीका सन्तहरूले
अन्यजातिको रीतिरिवाजअनुसार एक-आपसमा अण्डा बाँड्ने कार्य नगरी येशूज्यूको उदाहरणअनुसार आत्मिक आँखा खोलिदिने
पुनरुत्थानको रोटी भाँचेर पुनरुत्थानको चाड मानिरहेका छन् ।

“वास्तवमा ख्रीष्ट मृतकहरूबाट जीवित हुनुभएको छ ।
सुतिजानेहरूमध्येमा उहाँचाहिँ प्रथम फल हुनुहुन्छ ...
त्यसै गरी ख्रीष्टमा सबै जीवित पारिनेछन् ।” [१ कोरिन्थी १५:२०-२२]