ການເປັນຄືນມາສູ່ຊີວິດຂອງຄົນຊອບທຳ ແລະ ການເປັນຄືນມາສູ່ຊີວິດຂອງຄົນອະທຳ

[ບັນດາຜູ້ເຊື່ອຖືໃນຄິດສະຕະຈັກຂອງພະເຈົ້າ ປະຕິບັດຕາມພະຄຳຂອງພະເຈົ້າ
ທີ່ບັັນທຶກໄວ້ໃນປຶ້ມແຫ່ງຊີວິດ]

ການກະທຳຂອງແຕ່ລະຄົນບໍ່ໄດ້ສູນຫາຍໄປ ເຖິງແມ່ນວ່າ ເວລາໄດ້ຜ່ານໄປເປັນເວລາຫຼາຍພັນປີ ແຕ່ໄດ້ຖືກບັນທຶກໄວ້ໃນປຶ້ມແຫ່ງຊີວິດ. ເພື່ອພະເຈົ້າຈະຊົງຕັດສິນວ່າ ‘ແມ່ນການກະທໍາທີ່ສົມຄວນໄດ້ຮັບການພິພາກສາ ຫຼື ຮັບບຳເໜັດ’ ເຊິ່ງຈະຮ່ວມຢູ່ໃນການເປັນຄືນມາສູ່ຊີວິດຂອງຄົນຊອບທຳ ທີ່ຈະໄປສູ່ສະຫວັນ ຫຼື ຮ່ວມຢູ່ໃນການເປັນຄືນມາສູ່ຊີວິດຂອງຄົນອະທຳ ທີ່ຈະໄປສູ່ນະຮົກ.

[ພວກເຮົາຈະເປັນຄືນມາສູ່ຊີວິດ ແລະ ປ່ຽນແປງໃໝ່ສູ່ຮ່າງຝ່າຍຈິດວິນຍານ
ເໝືອນດັ່ງພະເຢຊູໄດ້ແນວໃດ?]

ໃນສະໄໝນີ້, ພະຄິດອັນຊັງໂຮງ ແລະ ພະມານດາແຫ່ງສະຫວັນ ໄດ້ຊົງສັ່ງສອນພວກເຮົາ
ໃຫ້ມີຄວາມເຊື່ອໃນການເປັນຄືນມາສູ່ຊີວິດ ແລະ ການປ່ຽນແປງໃໝ່ ເໝືອນດັ່ງຜູ້ເຊື່ອຖື
ໃນຄິດສະຕະຈັກຕອນຕົ້ນ ທີ່ມີປະສົບການກ່ຽວກັບການເປັນຄືນມາສູ່ຊີວິດຂອງພະເຢຊູ
ແລະ ຄວາມເຊື່ອທີ່ໝັ້ນຄົງຂອງບັນດາສາວົກ, ພະອົງໄດ້ຊົງສັ່ງສອນວ່າ ເມື່ອມະນຸດທັງໝົດ
ໄດ້ຢຳເກງພະເຈົ້າ ແລະ ກັບໃຈປ່ຽນໃໝ່ຢ່າງສົມບູນໃນຊ່ວງຊີວິດທີ່ສັ້ນໆນີ້,
ພະອົງຈະຊົງປ່ຽນແປງພວກເຮົາໄປສູ່ຮ່າງຝ່າຍຈິດວິນຍານ ເໝືອນດັ່ງພະເຢຊູ
ແລະ ກັບຄືນສູ່ໂລກຂອງທູດສະຫວັນ.

ຜູ້ຂ້າມີຄວາມຫວັງໃນພະເຈົ້າຢ່າງດຽວກັບທີ່ຄົນເຫຼົ່ານີ້ເອງມີຢູ່ ຄືຫວັງວ່າທຸກໆຄົນທັງດີ ແລະ ຊົ່ວ
ຈະເປັນຄືນມາຈາກຕາຍ. ດັ່ງນັ້ນແຫຼະ ຜູ້ຂ້າຈຶ່ງອົດສາປະພຶດຕົນໃຫ້ມີໃຈສໍານຶກຜິດ ແລະ ຊອບ
ອັນເສາະໃສຕໍ່ໜ້າພະເຈົ້າ ແລະ ຕໍ່ໜ້າມະນຸດສະເໝີ.
[ກິດຈະການ 24:15-16]

ແຕ່ບ້ານເມືອງຂອງພວກເຮົາຢູ່ໃນສະຫວັນ ແລະ ພວກເຮົາກໍຄອງຄອຍຖ້າດ້ວຍໃຈຮ້ອນຮົນ ພະຜູ້ໂຜດຊ່ວຍໃຫ້ພົ້ນຂອງພວກເຮົາ ພະເຢຊູຄິດເຈົ້າ... ຈະປ່ຽນແປງຮ່າງກາຍອັນອ່ອນແອ ແລະ ຕ້ອຍຕໍ່າຂອງພວກເຮົາ ໃຫ້ເປັນດັ່ງຮ່າງກາຍອັນສະຫງ່າລາສີຂອງພະອົງ...
[ຟິລິບປີ 3:20-21]