Ka Jingmihpat jong Kiba Hok & ka Jingmihpat jong Kibym Hok

Ka Balang U Blei ka bud ia ki Ktien U Blei ha ka Kitab ka Jingim

Ki jingleh jong uwei pa uwei u briew, kiba la thoh ha ka Kitab ka Jingim, ym shym la pyndam noh tad hadien ki hajar snem, hynrei la bishar da U Blei la ki bit ban ioh ka nong ne ka jingpynshitom. Katba kum kata, kin iashim bynta ha ka jingmihpat jong kiba hok, kaban ialam ia ki sha Bneng, lane ka jingmihpat jong kibym hok kaban ialam ia ki sha dujok.

Kumno Ngi Lah Ban Mihpat bad Kylla Sha ka Met Bakynja Mynsiem Kum U Jisu?

Ki riewkhuid jong ka Balang bamynshuwa ki la iohmad ia ka jingmihpat U Jisu bad ki la ieng skhem ha la ka jingngeit. Mynta, U Khrist Ahnsahnghong bad Ka Kmie Bahabneng ki hikai ia ngi ban don ka jingngeit ha ka jingmihpat bad ka jingkylla. Ki hikai ba haba ki briew baroh ki sheptieng ia U Blei bad ki kylla bamut na ki pop jong ki, kin sa kylla sha ka met bakynja mynsiem bad leit phai sha ka pyrthei ki angel.

“ba nga don ka jingkyrmen ha U Blei, ia kaba kine hi ruh ki iakhmih lynti, ba kan sa long ka jingmihpat kiba iap, kiba hok ruh bad kibym hok. Ha kane nga hi ruh nga pynmlien ia lade, ban ioh khlem da pud ka jingiatiplem bakhlem pynthut sha U Blei bad sha ki briew.”
Ki Kam Ki Apostol 24:15–16

Namar kata ka jinglong traishnong jong ngi ka long ha bneng; nangta ruh ngi ia ap khmihlynti ia U Nongpynim, U Jisu Khrist uba U Trai: uban thaw thymmai ia ka met ka jinglong rangli jong ngi, ia kaban pynlong ia ka shidur bad ka met ka burom jong u . . .
Sha Ki Philipi 3:20–21