Kahamrok Thangwi Bachamani tei Hamyarok Thangwi Bachamani

Kaitorni Motha khe Langma Bijapni Kaitorni kókrokno srwngo.

Langma Bijabo janija samung khlaima tẃi’-no swijakmani,
wng kha nokha sai sai bisini yagulo phano hujak pái ya,
phiya bórok sokatrok eba majra da mannani chúk Kaitor bai buj thumjaknai.
Abo tẃi kheno, bórok kahamrok thangwi bachamani’-o bui bai baksa wng bainai,
abo se bórokno Chuknoha’-o tlangnai, eba hamyarok thangwi bachamani abo khe bórokno morke’-o tlangnai.

Jisu hai khe Chwng Bahai Khe Thangwi Bachaui
tei Pholani Bwsago Khe Mul Philjagwi mannai?

Swkangni Mothani Kaitorni bororok Jisu thangwi bachamani’-no nuk kha
hakhe bórokni poito’-o krak bacha lai kha. Tini, Khristo Ahnsahnghong bai Chuknohani Ama
chwngno thangwi bachamani bai mul philjakmani’-no poito khlai di hwnwi phrwngo.
Bebak bororok Kaitorno kiri-ui tei bórokni sumsokno yakar suk phuru khe,
bórok pholani bwsago mul philjak bainai tei suarirokni swngcharo kiphilwi thángnai hwnwi Bórok phrwngo.

Borok kaham bai borok hamya dalnw nwi’-no
thangwi bachanai hwnwi bórok khatungma hai’-no
angbo Kaitorno khatungwi tongo. Aboni bagwino
ang Kaitor bai borokni bwskango bwkha sutrang khe máng tongna nai-o.
Samung 24:15-16

Chwng khe chuknohani borok wng kha, hakhe chwngno mwthangnai
Subrai Jisu Khristo chuknohani bu phuru phaino abono chwng naisingwi tongo.
Chini o thwiblang bwsak kebelno bo sláiwi bini chẃngsajak bwsak hai khe snamnai;
bo bini yago bebak’-no tubumani a phan bai omono khlainai.
Philipi 3:20-21